"What in the world are we doing out here again? Kinaladkad mo na naman ako rito para sa wala, Mei?"
Pero isang buntong-hininga ang naging tugon ng kaibigang si Mei sa litanya ng tanong na iyon ni Stacy. Siyempre pa, inasahan na niya iyon kung ikokonsidera niya ang ugali nito na laging gustong laging nasusunod ang mga trip nito sa buhay. Lalo na kapag may naisipan itong gawin.
"Stacy, ginagawa ko ito para sa iyo, okay? Aba, wala ka nang ibang ginawa sa apartment mo kundi magkulong, ah. Mula nang bumalik ka sa kabihasnan 3 months ago, nag-iba ka na."
"Ano'ng gusto mong gawin ko? Magsaya na may isang nilalang somewhere out there na talagang nagpahalaga sa akin for once in my life na nag-aagaw-buhay ngayon dahil sa akin? Mei, hindi pa ako ganoon ka-heartless. Kung sa ex-boyfriend ko siguro nangyari iyon, baka nga talagang ikatutuwa ko pa, eh."
