Charming A Silent Heart - Chapter 12 (Final)

NATAPOS nang maayos ang isa sa mga performance ni AJ sa fund-raising concert kung saan si Aerin ang tumugtog para dito. Masigabong palakpakan ang sumalubong sa kanilang dalawa na ikinatuwa ni Aerin nang husto. Natutuwa siya dahil nagustuhan ng mga ito ang pagtugtog niya bukod pa sa pagkanta ni AJ. Pagpunta niya sa backstage, sinalubong siya ng ilang naroon at ipinahayag ng mga ito ang paghanga nila sa pagtugtog niya ng piano.

Mula sa gilid ng stage, kitang-kita niya ang banda ng kaibigan ni AJ na si Miette na nakahanda nang mag-perform. Ang all-girl band na iyon ang isa sa mga front acts ng concert. Naging kaibigan na rin niya ito noong mga panahong bumibisita ito kay AJ sa rehearsal studio ng huli. Naramdaman marahil nito ang presensiya niya dahil tumingin ito sa kanya at ngumiti ng makahulugan bago nito ibaling ang tingin sa mga audience.

Ano’ng ibig sabihin n’on? Bakit may iba siyang nararamdaman sa ngiting ibinigay ng dalaga sa kanya?

Narinig niyang binati ni Miette ang mga audience matapos magpakilala at nagpasalamat sa suportang ipinakita ng mga naroon para sa naturang concert na iyon. Nagpalakpakan naman ang mga manonood. Base sa nakikita niya, hindi iyon ang unang pagkakataon na nag-participate sa mga ganoong activities ang banda ng dalaga.

Charming A Silent Heart - Chapter 11

TATLONG linggo pa ang matuling lumipas at kahit paano ay nagagawa nang kumilos ni Aerin nang normal kahit na may iniindang heartache. Nagpatuloy siya sa buhay niya kahit mahirap at walang araw na hindi siya dinadalaw ng mga alaala nila ni Chris. Alam niyang malabong makalimutan niya ito dahil hanggang ngayon ay umiigting pa rin ang pag-ibig na nararamdaman niya para sa binata. Mahal na mahal pa rin niya ito sa kabila ng masasakit na mga salitang sinabi nila sa isa’t isa. She loved him with all her life in spite of everything.

At lalong umigting ang pag-ibig niya para rito nang isang araw ay dumating ang isang balita. She fainted in the middle of her rehearsal for AJ’s fund-raising concert. Hindi na niya ikinagulat ang sinabing dahilan ng doktor.

She was pregnant. One month pregnant with Chris’ child. Naging emosyonal siya nang ibalita ng doktor iyon sa kanya. She was crying for two reasons. One, because she was happy that she has Chris’ child in her womb. At least she won’t be living with just memories of him in her heart and mind. Ang batang nasa sinapupunan niya ang katibayan na nag-exist si Chris sa buhay niya. And two, because she was sad that she wouldn’t be able to share her happiness with him. He pushed her away. At hanggang ngayon aymalinaw pa ring nakatanim sa kanyang isip ang galit na mukha nito dahil siya ang sinisisi nito. Dumadagdag na hiwa iyon sa kanyang puso sa tuwing naiisip iyon.

Para matahimik siya ay naisip niyang gawin ang isang bagay. Hindi niya alam kung ano ang posibleng resulta niyon sa buhay niya ngunit gusto niyang gawin ang kailangan. Lalo pa ngayong buntis siya. If he would hate her more for it, then it was fine. She has to do it. It was the only way.

“May rehearsal pa tayo mamayang alas-onse. Kaya huwag mong kalilimutang magpahinga ng maayos, okay?” paalala ni AJ nang pumasok ito sa silid niya. “Just tell me kung hindi ka makakapunta.”

Charming A Silent Heart - Chapter 10

INISANG  lagok lang ni Chris ang laman ng kanyang baso. Lampas na sa kalahati ang bawas ng bote ng brandy na iniinom niya subalit hindi niya pinapansin iyon. Tuloy pa rin siya sa pag-inom. Iyon lang naman kasi ang naisip niyang paraan upang pawiin ang di-maipaliwanag na sakit sa dibdib niya. May isang linggo nang ganoon lang ang ginagawa niya matapos niyang ipagtabuyan si Aerin sa bahay niya.

Umaalingawngaw pa rin sa kanyang isipan ang mga salita ni Aerin na tila humiwa sa puso niya. Alam niyang nasakta niya ito at hindi niya ito masisisi kung sabihin nga nito na pinagsisishan nito ang lahat ng namagitan sa kanila. Subalit ang mga salitang iyon ang hindi niya napaghandaan. Hindi rin niya napaghandaan ang sakit na idinulot ng mga iyon na tumutupok sa kanya ngayon. He regretted pushing her to leave. Ngayon lang niya napagtanto iyon. Wala siyang kaide-ideya ng mga panahong iyon na malaking bahagi ng kanyang pagkatao ang tila tinangay ni Aerin sa paglisan nito. Kaya naman ngayon ay nais niya itong makita upang kunin iyon ulit dito.

Walang araw na hindi siya nagpabalik-balik sa dalampasigan kung saan sila unang nagkakilala. Nagbabakasakali siya na makita roon si Aerin. Gusto niyang humingi ng tawad dito. Subalit bigo siya. Hindi niya ito ma-contact dahil hindi na nito sinasagot ang mga tawag niya. Hindi rin ito nagre-reply sa mga text niya. Laging out of coverage ang naririnig niya kapag tinatawagan niya ito. Mukhang nagpalit ito ng numero matapos itong umalis. Since then, hindi na naging normal ang takbo ng buhay niya. Tila nawalan na siya ng ganang gawin ang kahit ano.

Sa tuwing lilibutin niya ang bahay, palaging mukha ng dalaga at ang mga alaalang namagitan sa kanila ang nakikita niya. Kapag pumupunta siya sa sala ay agad na gumigitaw sa kanyang isipan ang espesyal na umagang namagitan sa kanila kung saan ipinagkaloob nito sa kanya ang sarili nito. Parang naaamoy pa niya ang bango nito na tila nakapagkit na sa carpeted na sahig na iyon. Kapag napapatingin siya sa grand piano, parang naririnig niya ang musikang madalas nitong patugtugin doon—ang “Rain’s Silent Love”. But it only broke his heart and made him unable to accept the fact that he sent her away even though she meant so much to him. His love for her was for nothing because he hurt her so much to the point of letting her regret everything that has something to do with him.

Charming A Silent Heart - Chapter 9

LIWANAG na nagmumula sa labas ang gumising kay Aerin dahil nasilaw siya niyon. Naramdaman din niya ang init niyon kaya alam niyang umaga na. Hindi naman masakit sa balat ang init kaya napagtanto niyang kasisimula pa lang ng isang bagong umaga. Bahagya siyang dumilat at nakita niyang nagmula sa nakahawing kurtina ang liwanag.

Dahan-dahan siyang bumangon at pinagmasdan niya ang paligid bago dumako ang tingin niya sa labas. Hindi niya alam kung bakit iba ang umagang iyon para sa kanya. She felt elated in a way. And that morning somehow felt warm. Tila nangangako iyon ng magandang simula para sa kanya dahil sa nangyari.

Napangiti siya nang sumagi sa isipan niya ang namagitan sa kanila ni Chris. Wala siyang anumang saplot sa katawan maliban sa kumot na tumatakip sa kahubdan niya. Nang lumingon siya sa gilid, natigilan siya dahil wala pala roon ang binata. Maaga yata itong nagising.

Nasa kusina kaya siya?

Charming A Silent Heart - Chapter 8

BUNTONG-HININGA ang tugon ni Aerin sa hanging pumapaypay sa paligid habang pinagmamasdan niya ang flower farm mula sa burol. Doon siya naisipang magtungo matapos siyang payagan ni Chris na mamasyal nang mag-isa. Nagkataon namang may pinuntahan si Chris kaya malaya siyang makapamasyal ngayon. Pero imbes na sa flower farm siya magtungo ay sa burol siya dumiretso.Gusto lang naman niyang mag-isip kaya nagpaalam siya sa binata na mamamasyal ng mag-isa. Litung-lito na kasi siya sa tunay niyang nararamdaman. And everything she felt right now has something to do with Chris.

Ilang araw na lang at matatapos na ang two-week vacation niya sa bahay nito. Subalit ang inakala niya noon na simpleng crush lang ay unti-unting lumalim sa paglipas ng mga araw. She was attracted to him. She liked him. Hindi sumagi sa isip niya na tila higit pa sa sapat ang humigit-kumulang dalawang linggong pamamalagi niya roon upang magbago ang halos lahat sa buhay niya.

She spoke for the first time after a long time of not being able to do so. All because of a dream where she saw him leave her. Bumibigat pa rin ang pakiramdam niya sa tuwing maaalala ang panaginip na iyon. He never really left her. Subalit alam niyang darating ang araw na maghihiwalay ang landas nila ni Chris. Ilang araw na lang at mangyayari na ang paghihiwalay na iyon. One thing she couldn’t understand, however, were the words continuously echoing in her dream. Painful, harsh, and hurtful words enough to tear her heart apart. But as always, she chose to ignore it. Wala naman sigurong ibig sabihin iyon. Ang dapat niyang alalahanin sa ngayon ay ang nararamdaman niya.

'Makakaya ko nga ba talagang malayo sa iyo, Chris?' Iyon ang tanong na paulit-ulit niyang sinasambit sa sarili niya. At hanggang ngayon ay hindi pa rin siya nakakakuha ng sagot na kailangang-kailangan niya. Nais niyang malaman ang sagot sa lalong madaling panahon.

Charming A Silent Heart - Chapter 7

NARAMDAMAM ni Aerin na nanigas si Chris. Ilang sandali pa ay dahan-dahan siyang pinakawalan nito; bahagyang nanlalaki ang mga mata. Tila nais nitong kumpirmahin kung tama ba ang narinig nito.

“Aerin, d-did you… say something?”

Bumuka ang bibig niya subalit walang tinig na lumabas doon. Was what she said—if ever she said something—a dream? No, it’s not! mariing tanggi ng kanyang isip. Sigurado siya na may nasabi siya kanina lang. Ngunit bakit walang tinig na lumalabas sa bibig niya.

Ilang sandali pa ang lumipas ngunit nanatili lang nakabuka ang bibig niya. Marahil ay panaginip lang iyon. Pero may panaginip bang naririnig ng ibang tao? She heaved a heavy sigh and forced herself to speak. Kailangan niyang malaman ang totoo.

Charming A Silent Heart - Chapter 6

IT WAS ten past one in the morning. Subalit ayaw pang dalawin ng antok si Chris sa kanyang silid. Hindi niya magawang makatulog kaya ang pagtitig sa madilim na kisame ang ginagawa niya. Alam niya kung bakit hindi siya madalaw-dalaw ng antok. It was because he was thinking of the woman who was sleeping in the room right next to his.

Aerin.

Five nights ago, he swore he’d heard one of the most beautiful melodies he ever heard in his life. At hanggang ngayon, patuloy na nagre-replay sa kanyang isipan ang nasabing melodiya. Parang may mahika ang bawat nota ng musikang likha ni Aerin. He never thought that beneath her silence lies a captivating melody that he wanted to hear from her for the rest of her life.

Aminado siyang ginugulo ni Aerin ang konsentrasyon niya sa maraming bagay. He could never feel relaxed whenever she was near him. Pasalamat na lang at nagagawa niyang itago iyon sa dalawa. At kahit dapat ay nagdurusa pa siya, ang melodiyang nilikha nito ang tumutulong sa kanya na huwag maramdaman ang kirot. After all, it was her meolody that helped him finally let go of Czarina. Totoo ang sinabi niya kay Aerin na ito ang dahilan kung bakit nagawa niya iyon.

Charming A Silent Heart - Chapter 5

LUMIPAS ang tatlong araw na naging masaya para kay Aerin ang naging pamamalagi niya sa resthouse ni Chris. Lagi itong nakasunod sa kanya sa tuwing mamamasyal siya. Kumbaga, ito ang umaaktong tour guide niya sa pamamasyal niyang iyon. At sa lahat ng pagkakataong iyon ay marami-rami din itong kinuhanang litrato niya kung saan nakabakas sa mga iyon ang kasiyahang nadarama niya.

Sa pagsapit naman ng mga gabi ay hindi siya hinahayaan ni Chris na magpuyat. Kahit hindi pa niya masabi dito ang totoong dahilan ng pagpupuyat niya, pinili na lang niyang sundin ang kagustuhan nito para walang isyu sa pagitan nila. Natuwa siya at animo natunaw ang puso niya nang ihayag nito na hindi ito aalis sa tabi niya hanggang hindi siya nakakatulog.

Hindi niya malaman kung ano ang mayroon sa presensiya ni Chris upang magawa niyang makatulog na hindi dinadalaw ng masamang panaginip. Animo ang presensiya nito ang nagsisilbing dreamcatcher niya. Kaya sa bawat umagang nagigising siya ay nakakaramdam siya ng magaan sa dibdib niya. At tila nag-uumpisa nang maging morning habit niya ang patugtugin sa piano ang melodiyang ginawa niya sa kanyang isipan noong unang gabi niya sa bahay na iyon.

Ang "Rain's Silent Love" nga naman kasi ang nagsilbing daan upang mailahad ni Chris sa kanya ang kuwento sa "Catching Raindrops" passage na minsan nitong nilikha. Hindi niya alam kung bakit parang espesyal na sa kanya ang melodiyang iyon.

Charming A Silent Heart - Chapter 4

ILANG araw nang naghahanap si Aerin ng lugar na maaari niyang mapagbakasyunan pansamantala na makakatulong sa kanya sa pagsusulat niya ng kanta. Well, tono lang ng kanta ang ginagawa niya at hindi liriko dahil wala siyang talento sa pagsusulat niyon. Mabuti na lang at may nai-suggest sa kanya si Ate Jessie nang muli siyang magtungo sa record store kung saan niya huling nakita si Chris upang bumili ng isa pang album na nasa listahan niya.

At sa mga sandaling iyon nga ay patungo na siya sa lugar kung saan naroon ang vacation house na ini-recommend ng babae sa kanya. Nagkataon din na malapit iyon sa paborito niyang flower farm—ang “Angel’s Meadow” na pag-aari umano ng isang sikat na photographer. Although questionable sa kanya ang impormasyon, hindi na siya nagtanong pa kung sino  ang may-ari niyon. Ang mahalaga lang naman sa kanya ay makapagbakasyon at nang magkaroon ng inspirasyon. Baka ang pananatili niya sa vacation house na naroon sa Angel’s Meadow ang kailangan niya.

Sana lang ay hindi siya dalawin na naman ng masasamang panaginip.

Binayaran na niya ang kanyang pamasahe sa driver ng tricycle na pinagsakyan niya at nagdala sa kanya sa vacation house saka nagpasalamat—in her own silent way, of course. Ibinaba na lang siya nito sa gate ng nasabing pag-aari. Hindi nagtagal ang pagdo-doorbell niya nagbukas ang malaking wooden gate. Sumalubong sa kanya ang isang may katandaang lalaki na agad siyang nginitian. Ginantihan naman niya iyon ng parehong ngiti.

Charming A Silent Heart - Chapter 3

ABALA si Aerin sa paghahanap ng partikular na CD sa record store na pinuntahan niya. Noong isang linggo pa siya naghahanap ng kopya ng music album ng sikat na musician at composer na si Jim Madriaga. Pero pulos sold out ang mga iyon. Limited edition kasi iyon kaya naman mahirap talagang makakuha ng kopya. At mukhang mamalasin na naman siya ngayon dahil naunahan siya ng isang lalaki sa pagkuha ng nag-iisang kopya ng album na nakita niya. Napabuga tuloy siya ng hangin dahil doon. Nanghihinayang man ay wala na siyang nagawa.

Balak na sana niyang umalis doon at maghanap sa ibang music store nang may marinig siyang tumawag sa pangalan niya. Nilingon siya ang loob ng record store subalit wala naman siyang nakitang sinuman na posibleng tumatawag sa kanya.

Baka dala lang iyan ng antok, Aerin. Ang hilig mo kasing magpuyat, eh. 'Yan tuloy, naiisip mong may tumatawag sa pangalan mo. Napailing na lang siya upang tanggalin ang isiping iyon. But upon facing the store's entrance, she was surprised for two reasons. One, because of the light that suddenly flashed in front of her. And two, a familiar dazzling smile greeted her after that flash.

"Hi!" maluwang ang ngiting bati ni Chris nang tuluyan itong nakalapit sa kanya. "Sorry about that. Hindi ko lang kasi mapigilang kuhanan ka ng litrato. You look radiant today."

Charming A Silent Heart - Chapter 2

HINDI tinangkang ibaling ni Chris sa ibang direksiyon ang kanyang tingin sa babaeng nakakuha ng kanyang atensiyon nang hindi sinasadyang napatingin ito sa kanya. Matapos magtungo sa sementeryo ay naisipan niyang magpahangin sa dagat. Ilang sandali rin niyang ginawa iyon bago niya naisipang kumuha ng mga litrato. Marami-rami na rin siyang nakuhanan bago tumuon ang atensiyon niya sa isang babaeng nakaupo sa buhanginan at nakamasid sa dagat.

Tila wala ito sa sarili nito. At kahit ilang metro ang layo niya mula sa kinauupuan nito, napansin niya ang malungkot na anyo nito. Napansin niya iyon kahit kalahati lang ng magandang mukha nito ang nakikita niya.

Despite the pain he saw on her face, hindi niya napigilan ang sariling kuhanan ng litrato ang nasabing babae. Hindi niya alam kung ano ang mayroon sa babaeng iyon at tila naeengganyo pa siyang kuhanan ito ng litrato. Natural na sa kanya ang mangyaring agad na mapukaw ng isang babae ang atensiyon niya, dahilan upang ganahan siya sa pagkuha ng litrato. Well, he was a professional photographer kaya masasabi niyang natural lang sa kanya ang ma-fascinate sa pagkuha ng litrato ng isang magandang babae. Subalit iba ang babaeng iyon na nakamasid sa dagat. Alam niyang higit pa sa pagkuha ng litrato ang dahilan kung bakit napukaw nito ang atensiyon niya.

With every picture he took, using the mystery woman as his subject, there was this unexplainable magnet that drew him close to her. But it couldn't be. Hindi maaaring ang konklusyong naiisip niya ang dahilan kaya ganoon na lang ang nararamdaman niya. There must be something else—probably more logical than the one he was thinking.

Charming A Silent Heart - Chapter 1

PATULOY si Chris sa pagkuha ng litrato habang pinapanood sina Seth at Czarina na nagsasayaw sa gitna ng pavilion. Naroon sila sa isang malaking hotel na pag-aari ng pamilya Alarcon dahil doon ginanap ang wedding celebration ng dalawa. Araw iyon ng kasal ng matalik niyang kaibigan at ng babaeng mahal na mahal niya subalit kinailangan niyang pakawalan sa huli dahil iyon ang tama.

He did it for Seth and Czarina to be happy. It was the least he could do. Marami nang pinagdaanan ang dalawa para mapatunayan ang pag-ibig nila sa isa't isa. Hindi na niya nais pang pahirapan ang mga ito.

Na-in love siya kay Czarina noong mga panahong wala itong maalala sa nakaraan nito. Hawak naman ni Seth ang katibayang minsang nag-exist ang dalaga sa buhay nito. He didn't know that fact until Seth told him so—na umiibig siya sa babaeng matagal nang iniibig ng kaibigan niya. There and then, he knew their friendship would be put to the test. Hindi nga siya nagkamali.

Muntik nang mapahamak noon si Czarina sa kagustuhang pasakitan si Seth. Hurt and broke upon realizing that Czarina loved Seth, nagkasagutan silang magkaibigan. But despite that, it was fate that brought those two back together.

Charming A Silent Heart - Story Description

Story of Chris del Mundo and Aerin Romero

ーーーーーー

Hindi muna pinlano ni Chris ang umibig muli matapos ang kabiguang kanyang natamo. Instead, he decided to take a vacation to heal his broken heart. In the process, nakilala niya si Aerin Romero. She caught his attention the first time he saw her because of her silence-too much silence, as a matter of fact. Nawala ang kakayahan ng babae na magsalita subalit nakakarinig pa ito.

And in ways he knew, nagawa niyang makuha ang tiwala ng dalaga sa kabila ng kamisteryosohang bumabalot dito. Hindi alam ni Aerin na unti-unti na niya itong minamahal-higit pa sa kanyang pagmamahal noon sa una niyang pag-ibig.

But Chris didn't know that behind her silent yet affectionate treatment of him lay a truth that would destroy everything he felt for her....