Story of Aeros Francisco and Lianne Willard
ーーーーーー
Sa lahat yata ng weird na bagay na nire-request ng kuya ni Lianne, ang tulungang maka-move on mula sa heartbreak ang kaibigan nito ang pinaka-weird sa lahat. Kailan pa siya naging love advisor? Idagdag pa na sa mga panahong nakasama't nakausap niya si Aeros Francisco, napupuna niya na parang pasimple siyang ibinubugaw ng kapatid niyang iyon sa binata. Kung wala siguro siya sa katinuan, nasakal na niya iyon. Pero hindi niya maintindihan sa sarili kung bakit gusto naman niya itong tulungan.
Wala namang kaso sa kanya iyon. She has her own experience of heartbreak, as well, and she managed to move on from it. Iyon ang gusto niyang ituro kay Aeros para maka-move on na rin ito. Pero ang hindi alam ng karamihan, nagbigay ng matinding takot sa kanya ang heartbreak na pinagdaanan niya. Dahil doon ay hindi niya magawang magmahal nang hindi nararamdaman ang takot na iyon sa kanyang puso.
Sa pagtulong na ginagawa niya kay Aeros, unti-unti niyang nararamdaman na hindi na niya kayang pigilan ang pag-usbong ng pag-ibig na lihim niyang itinatago sa kanyang puso para rito. Kasabay niyon ay ang takot na lagi niyang nararamdaman. Sa puntong iyon, kailangan niyang mamili kung mas gugustuhin ba niyang mahalin si Aeros at manatili ito sa kanya o ang mabuhay nang mag-isa at walang minamahal para lang mapawi ang takot na iyon.
No comments:
Post a Comment