I'll Hold On To You 45 - Valentine's Day

[Relaina]

“BAKIT BA kailangan pang dumating ang Valentine’s Day? Nakakawalang-gana tuloy,” tila nababagot na reklamo ko na lang habang papasok kami ni Mayu sa school gym ng Oceanside.

Pero ang bruhilda kong pinsan, tinawanan lang ako.

Kasabay ng Valentine’s Day ang School Festival ng unibersidad na tumatagal ng isang linggo kaya naman kabi-kabila ang activities at booths ng bawat colleges, school departments at clubs. Unang araw iyon ng school festival at nagkataong tumapat sa Araw ng mga Puso.

Wala naman sanang problema sa akin ang nasabing okasyon. Kaya lang—

To The Irreplacable One I Love 5 - More Questions Emerging

"AT TULALA na naman ang mahal naming prinsesa."

Sapat na ang mga salitang iyon para magbalik ang isip ni Heidi sa realidad. Nang mag-angat siya ng tingin, nakita niyang nakapameywang si Cielo sa harap niya habang nakapangalumbaba naman sa magkabilang gilid niya sina Raiden at Deneel. Noon lang niya naalala na nasa canteen nga pala silang apat para mananghalian.

Bumuntong-hininga na lang siya at itinuloy ang kinaligtaang pagkain.

"Si Yrian na naman ang panggulo sa isip mo. Tama?"

Bigla akong napaisip habang sinusulat ang story ni Heidi. Since ibang-iba na ang TBC kahit sabihin pang based sa original concept ng TLSOTE, may itinanong ako sa sarili ko.

Sa mga protagonist na pinatay ko sa Book 1 and 2 ng TLSOTE (kahit sabihin pang wala pa sa kalahati ang Book 1 at non-existent pa ang Book 2), I was wondering kung sino ang bubuhayin ko at magkakaroon ng sariling love story sa TBC.

Just a small note: The names I'm going to post here were the names from TLSOTE and after the slash, the names on its TBC counterpart. Okay?

To The Irreplacable One I Love 4 - Let Me Help You

"GRABE siguro ang ginagawang panggugulo ng kapatid ko sa isip mo, 'no? Umaasta ka na namang bodyguard diyan sa labas ng painting room niya," salubong ni Louie kay Yrian  nang maabutan siya nito sa labas ng painting room ni Heidi na nakatayo lang.

Maghahating-gabi na pero hindi pa rin magawang makatulong ni Yrian. Patuloy lang siya sa pagkastigo sa sarili dahil sa mga pinagsasabi niya kay Heidi sa poolside. Kasabay niyon ay ang pag-aalalang nararamdaman niya para rito. Halata ang pagkabagabag nito pero wala naman siyang magawa para tulungan ito. Matinding pagpipigil ang kailangan niyang gawin para huwag lang hawakan ang kamay nito at hilain palapit sa kanya upang yakapin. Isa pa, wala naman siyang karapatang gawin iyon.

"Kumusta na si Heidi? Nakatulog na ba siya?" sa halip ay tanong niya kay Louie.

Nagkibit-balikat lang ang kaibigan niya. "Ikaw na rin ang nakarinig kanina. May bumabagabag sa kanya. Kaya malabong tulog na siya sa mga oras na 'to."

I'll Hold On To You 44 - Hazelnut Coffee

[Relaina]

IF THERE was one thing that I truly cherished the most whenever I would go to the library and decided to stay there, it was the silence in one particular corner. Well, gusto ko lang talagang tumambay doon. Pero hindi naman ako maikokonsiderang bookworm sa ginagawa kong pagtambay sa lugar na iyon. Lalo na kapag vacant period ko.

Gusto ko lang talaga ang katahimikan sa lugar na iyon, lalo pa’t kailangan ko iyon para makapag-internalize ako. Sa mga sandaling iyon ay pinipilit kong ituon ang atensiyon ko sa assignment na kailangan kong tapusin nang wala na akong pinoproblema pag-uwi ko sa bahay.

Pero nakakabuwisit lang talaga!

Sa kabila kasi ng kagustuhan kong mag-internalize nang sa gayon ay magawa kong makapag-concentrate, ang isip ko naman ang nagiging pasaway. Heto nga’t sumasagi pa rin sa isipan ko ang mga nangyari two days ago sa classroom. That event was truly a heart-pounding one.

To The Irreplacable One I Love 3 - A Question Of Relation And Identity

"ANG lalim ng buntong-hininga natin, ah. Wala ka na bang planong bumuntong-hininga kinabukasan?"

Buntong-hininga lang ang naging tugon ni Yrian sa sinabing iyon ni Louie. Naabutan siya nitong naglalakad-lakad sa poolside na tila wala sa sarili. Ilang oras na rin ang nakalipas matapos nilang mag-usap ni Heidi. Pero hindi pa rin natatanggal sa isipan niya ang naging sagot nito sa tanong niya.

"Si Heidi nga pala? Nandoon ba siya ulit sa painting room?" sa halip ay naitanong niya. Huli na nang maisip niyang baka kung ano ang isipin ni Louie doon.

"Gusto raw niyang ubusin ang buong araw niya ngayon sa pagtapos sa painting. Final touches na lang naman yata ang kailangan niyang ilagay roon at tapos na iyon."

I'll Hold On To You 43 - Sweet William

[Relaina]

MABILIS na lumipas ang panahon pagkatapos ng Christmas Ball na iyon. Para sa iba, oo nga at naging mabilis iyon. Pero para sa akin, ni hindi ko namalayan ang paglipas ng mga araw.

Paano ba naman kasi? Lutang yata ang utak ko pagkatapos ng event na iyon. Kaya heto, hindi ko nagawang i-enjoy ang naging pagdaan ng Pasko at Bagong Taon. Walang tigil na ginulo ng buwisit na halik na iyon ang utak ko.

For the second time, hinalikan ako ng buwisit na kamoteng mokong na ‘yon. At wala man lang akong nagawa para pigilan pa ito. I was petrified, I couldn’t even believe it! Pero ang hindi ko lubusang mapaniwalaan ay ang makita ang hindi ko maipaliwanag na lungkot sa mga mata ni Brent pagkatapos ako nitong halikan. Mas lalo akong hindi nakagalaw nang makita iyon.

Even his usually charming smile was laced with the same emotion. After that, he left me there without a word.

To The Ireplacable One I Love 2 - The Desire To Solve Your Mystery

"MAY sakit ka ba, Heidi? Bakit wala ka yatang ganang kumain ngayon?"

Natuon ang atensyon ni Heidi sa ate niyang si Mari na katabi niya sa dining table nang gabing iyon. Maagang umuwi ang ate niya galing sa opisina dahil kanina pa raw ito hindi mapalagay roon. Nang tanungin niya ito kung bakit ganoon, hindi rin daw nito alam ang dahilan. Kasabay niyang naghahapunan si Louie at pati na rin ang kaibigan nitong si Yrian.

Hanggang sa mga sandaling iyon ay hindi pa rin niya matingnan sa mga mata ang lalaking iyon. Hindi pa rin nawawala sa isipan ang nangyari nang nagdaang araw sa painting room. Ngayon lang sila nagkasabay na kumain ng hapunan sa kagustuhan na rin ni Mari.

"Wala akong sakit, Ate. Puyat lang ako. Hindi ko pa kasi natatapos 'yong painting ko, eh."

Book/Story Comment: “Familia Sagrada: Clairlyse Luna” by Destiny Croix

May ilang linggo na rin nang matapos kong basahin ang gothic romance na ito sa FB. Yes, doon ko lang po ito nakita. Actually, ito rin ang unang pagkakataon na nakabasa ako ng isang gothic romance in any language. In fact, wala pa nga akong binabasang English gothic fantasy.

Anyway, balik sa isyu.

Inabangan ko talaga ito gabi-gabi, though there were nights na hindi nakakapag-post ang writer dahil sa ilang issues. Sa totoo lang, feeling to talaga, nabitin ako. Nagulat na lang ako, nang mabasa ko ang Chapter 21, the end na. Haha! But I like the mystery and the flow of the story. Hindi ako masyadong aware sa mga creatures sa Philippine folklore like the mysina and sigbin (did I mention this right?). I don’t even know nag-e-exist nga sila.

I'll Hold On To You 42 - Formally Ending It

[Relaina]

SA KAWALAN ng direksiyong patutunguhan, namalayan ko na lang ang sarili kong papalapit sa ilalim ng puno ng mangga na madalas kong pagtambayan. Sa pahingahan ko.

Pero hindi naman iyon kalayuan sa venue ng ball. Isang department building lang siguro ang nakapagitan.

Liwanag ng buwan sa kalangitan ang tanging liwanag sa tinatahak kong daan. Sana lang ay walang magkamali sa akin doon na white lady or else, magiging usap-usapan na naman ito sa school. Ang bilis pa man ding kumalat ng mga balita – or should I say, walang katapusang tsismis – sa school na 'yon.

Sa gulat ko, biglang nagliwanag ang puno ng mangga. Pinalibutan iyon ng paper lanterns at Christmas lights. My gosh! Ang ganda. Teka, kasama ba ‘to sa mga set-ups ng student council?