To The Irreplacable One I Love 10 (Final) - The Final Gift For The Future

PARANG wala pa ring maramdamang anumang hapdi at sakit si Yrian kahit ginagamot na ni Deneel ang tama ng baril na nakuha niya. Sa tingin niya ay biglang namanhid ang kanyang katawan sa dami ng mga nangyari. Ang mga nalaman niya kay Heidi, ang mga ipinagtapat sa kanya nina Deneel at Raiden tungkol sa tunay niyang pagkatao, maging ang pag-alis ni Heidi na hindi man lang nagpapaalam sa kanya. Hindi niya alam kung ano ang dapat niyang unahin.

"Tapos na," untag ni Deneel at iniligpit na ang nagkalat na mga bandages at bulak na nabahiran ng napakaraming dugong nanggaling sa kanya.

Agad niyang inayos ang suot na polo shirt kahit alam niyang mahirap. May isa siyang kailangang gawin sa ngayon. Saka na muna siguro ang matinong paliwanagan kapag naayos na niya ang isang bumabagabag sa kanya.

"Ano'ng plano mong gawin?" tanong ni Deneel na tumayo sa harap niya.

To The Irreplacable One I Love 9 - The Truth That Everyone Hid

DALAWANG taon man ang lumipas mula nang lisanin ni Heidi at ng kanyang mga kapatid ang lugar na iyon pagkatapos ng ambush, parang wala pa rin siyang nakikitang pagbabago roon. Lahat ng nakikita niya roon ay tulad pa rin ng mga naaalala niya. Mukhang naayos din ang mga nasirang gamit doon, partikular na ang fountain, gate, at front door ng mansyon na pinasabog pa noong salakayin ang lugar. Pero kahit wala na ang bakas ng karahasan sa lugar na iyon, hindi pa rin nawawala sa isip ni Heidi ang mga nawala sa kanya roon.

"Mas malaki yata ang mansyon na tinitirhan mo ngayon kaysa dito," komento ni Yrian na pumutol sa pag-iisip niya.

Agad siyang napatingin dito na sumusunod lang sa kanya sa paglalakad niya. "Matagal na kasi ito. Kahit ilang beses nang i-s-in-uggest na i-renovate ito para magawa pa ring tirhan, hindi pa rin nila ginawa. Ang sabi kasi sa akin, ito daw ang mansyong ipinatayo ng founder ng Monceda clan nang makapag-asawa na siya at humiwalay ng tirahan sa ibang mga kasama niya."

"Humiwalay ng tirahan? Ibig mong sabihin..."

To The Irreplacable One I Love 8 - A Promise To The One I Love

"PAMBIHIRA rin pala ang koneksyon ng pamilya mo, Heidi," naiiling na komento ni Yrian nang makapasok na sila sa mansyon na pag-aari ng isa sa mga kasamahan niya sa Eight Thorned Blades na si Zandrix Valencia.

Ito ang may-ari at kasalukuyang namamahala sa Hacienda Valencia, ang hacienda na ipinamana rito ng Lola nito. Ito ang isa sa pinakiusapan ni Louie na magbantay sa kanya habang naroon siya sa Cebu para gawin ang misyon niya.

Natawa na lang siya at nilapitan si Zandrix. "Salamat, Kuya Zandrix. Hindi ka na sana inistorbo ni Kuya Louie sa ganito. Alam ko namang busy ka sa pag-aasikaso ng mga bagay-bagay rito sa hacienda n'yo."

"Walang problema sa akin iyon, Miss Heidi. Na-miss ko rin namang ma-assign sa mga misyon. Alam mo na, medyo tahimik dito sa hacienda."

To The Irreplacable One I Love 7 - The True Meaning Of Her Dream

"HANGGANG kailan ninyo planong itago sa akin ang totoo?" nakapamaywang na bungad ni Heidi kina Raiden at Tristan nang maabutan niya ang dalawang iyon sa sala ng mansyon nang umagang iyon.

Hindi na siya nagulat na makita ang mga ito roon dahil weekend naman at wala silang pasok. Wala naman siyang pinatrabaho kay Tristan kaya halos beinte-kuwatro oras ay nakabantay ito sa kanya roon. Ilang araw na ang nakalipas mula nang huli nilang makita si Elliot at wala namang sumunod na mga pangyayaring posibleng maglagay na naman sa kanila sa kapahamakan.

Todo rin ang ginawang pagbabantay ni Deneel kay Yrian pagkatapos niyon. Ayon na rin sa branch pillar ng fourth branch ng Monceda clan kung saan kabilang ang kaibigan niyang iyon, oras na para gampanan na nito ang tungkulin nito bilang isa sa dalawang shadow guardian ni Yrian. Nagulat siya nang malamang dalawa pala ang inaatasang maging shadow guardian ng mga nagiging leader ng Monceda clan.

Hindi niya alam ang tungkol doon. Kunsabagay, wala naman kasing sinasabi sa kanya si Tito Alejandro. Isa pa, hindi rin naman siya nagtanong dito ng tungkol sa bagay na iyon.

To The Irreplacable One I Love 6 - Revelations And Unexpected Confession

HINDI mapakali si Heidi habang pinagmamasdan si Yrian na may pag-aanalisang nakatingin sa painting na gusto nitong maita. Ginawa nila iyon nang araw matapos nilang maramdaman na may nagmamasid sa kanila sa fastfood restaurant. Wala pa silang pinagsasabihan tungkol sa bagay na iyon.

Pero sigurado siya na hindi na lingid sa mga kapatid niya ang pangyayari. Kahit wala si Tristan sa tabi niya o sa paligid, alam niya na may lihim pa ring nagbabantay sa kanya, sa kanila ni Yrian.

"Uy, magsalita ka naman. Lalo akong ninenerbiyos sa pagiging tahimik mo, eh," untag niya sa binata.

Ilang sandali pa ang lumipas bago ito tumingin sa kanya. "Iisa lang naman ang posibleng interpretasyon ko rito sa painting mong ito. Pero may ipinagtataka lang ako. Paano mo nalalaman na ang eksenang iyon sa panaginip mo ang ipipinta mo?"

To The Irreplacable One I Love 5 - More Questions Emerging

"AT TULALA na naman ang mahal naming prinsesa."

Sapat na ang mga salitang iyon para magbalik ang isip ni Heidi sa realidad. Nang mag-angat siya ng tingin, nakita niyang nakapameywang si Cielo sa harap niya habang nakapangalumbaba naman sa magkabilang gilid niya sina Raiden at Deneel. Noon lang niya naalala na nasa canteen nga pala silang apat para mananghalian.

Bumuntong-hininga na lang siya at itinuloy ang kinaligtaang pagkain.

"Si Yrian na naman ang panggulo sa isip mo. Tama?"

To The Irreplacable One I Love 4 - Let Me Help You

"GRABE siguro ang ginagawang panggugulo ng kapatid ko sa isip mo, 'no? Umaasta ka na namang bodyguard diyan sa labas ng painting room niya," salubong ni Louie kay Yrian  nang maabutan siya nito sa labas ng painting room ni Heidi na nakatayo lang.

Maghahating-gabi na pero hindi pa rin magawang makatulong ni Yrian. Patuloy lang siya sa pagkastigo sa sarili dahil sa mga pinagsasabi niya kay Heidi sa poolside. Kasabay niyon ay ang pag-aalalang nararamdaman niya para rito. Halata ang pagkabagabag nito pero wala naman siyang magawa para tulungan ito. Matinding pagpipigil ang kailangan niyang gawin para huwag lang hawakan ang kamay nito at hilain palapit sa kanya upang yakapin. Isa pa, wala naman siyang karapatang gawin iyon.

"Kumusta na si Heidi? Nakatulog na ba siya?" sa halip ay tanong niya kay Louie.

Nagkibit-balikat lang ang kaibigan niya. "Ikaw na rin ang nakarinig kanina. May bumabagabag sa kanya. Kaya malabong tulog na siya sa mga oras na 'to."

To The Irreplacable One I Love 3 - A Question Of Relation And Identity

"ANG lalim ng buntong-hininga natin, ah. Wala ka na bang planong bumuntong-hininga kinabukasan?"

Buntong-hininga lang ang naging tugon ni Yrian sa sinabing iyon ni Louie. Naabutan siya nitong naglalakad-lakad sa poolside na tila wala sa sarili. Ilang oras na rin ang nakalipas matapos nilang mag-usap ni Heidi. Pero hindi pa rin natatanggal sa isipan niya ang naging sagot nito sa tanong niya.

"Si Heidi nga pala? Nandoon ba siya ulit sa painting room?" sa halip ay naitanong niya. Huli na nang maisip niyang baka kung ano ang isipin ni Louie doon.

"Gusto raw niyang ubusin ang buong araw niya ngayon sa pagtapos sa painting. Final touches na lang naman yata ang kailangan niyang ilagay roon at tapos na iyon."

To The Ireplacable One I Love 2 - The Desire To Solve Your Mystery

"MAY sakit ka ba, Heidi? Bakit wala ka yatang ganang kumain ngayon?"

Natuon ang atensyon ni Heidi sa ate niyang si Mari na katabi niya sa dining table nang gabing iyon. Maagang umuwi ang ate niya galing sa opisina dahil kanina pa raw ito hindi mapalagay roon. Nang tanungin niya ito kung bakit ganoon, hindi rin daw nito alam ang dahilan. Kasabay niyang naghahapunan si Louie at pati na rin ang kaibigan nitong si Yrian.

Hanggang sa mga sandaling iyon ay hindi pa rin niya matingnan sa mga mata ang lalaking iyon. Hindi pa rin nawawala sa isipan ang nangyari nang nagdaang araw sa painting room. Ngayon lang sila nagkasabay na kumain ng hapunan sa kagustuhan na rin ni Mari.

"Wala akong sakit, Ate. Puyat lang ako. Hindi ko pa kasi natatapos 'yong painting ko, eh."

To The Irreplacable One I Love 1 - Meeting You In The Painting Room

"HINDI ka pa rin tapos diyan sa ginagawa mo hanggang ngayon?"

Tiningnan lang ng masama ni Heidi si Raiden bago muling ibinalik ang atensyon sa ipinipinta. Kaninang tanghali pa siya naroon sa painting room sa College of Arts ng Skyfield University kung saan sila nag-aaral ni Raiden. Iisa lang ang kursong kinuha nila--Business Administration. Palibhasa, lumaki silang dalawa sa kani-kanyang pamilya na mga business-minded. Sa kaso niya, kilala ang Terradenio clan sa mga negosyong may kinalaman sa IT at gadgets. Pero may mga iba pang business sa ilalim ng Terradenio Group of Companies na walang kinalaman sa gadgets at computers.

Pero sa ngayon, ang mga kapatid niya at isa sa mga pinsan niya ang nagma-manage ng mga iyon para sa kanya habang nag-aaral pa siya. Idagdag pa na mas mahirap ang trabahong ipinasa sa kanya ng namayapang ama. Napahinto siya sa ginagawa nang maalala iyon.

"Kung ako sa 'yo, ipahinga mo na lang iyan. Hindi ka ba napapagod na magmukmok dito? Aba'y sumasakit na ang ilong ko sa amoy ng pintura rito, eh."

To The Irreplacable One I Love - Story Description

Matagal nang alam ni Heidi na hindi siya isang ordinaryong tao. Bata pa lang siya ay alam na niyang isa siya sa pinagpipilian na humalili sa kanyang ama bilang leader ng Terradenio clan. Kasabay niyon ay ang tungkuling maging leader din ng grupo ng apat na angkang nasa ilalim ng Eight Thorned Blades. Pero kung may isang bagay talaga na tutukoy sa kanya para sabihing hindi siya ordinaryo, iyon ay ang kakayahan niyang makita ang hinaharap sa pamamagitan ng kanyang mga painting.

Isa sa mga painting na iyon ang nagbigay-daan para makilala niya si Yrian. Ang mga papuri nito sa kanyang obra, pati ang mga ngiting nag-aalis ng kanyang alinlangan ang ilan sa mga dahilan para maramdaman ng isang hindi ordinaryong taong kagaya niya ang magmahal. Ipinaranas nito sa kanya na may kakayahan din siyang gawin iyon.

Pero hindi ito pupuwede sa mundong ginagalawan niya. Hindi niya masisiguro ang kaligtasan ni Yrian. Lalo na at ang painting na naging daan para magkakilala sila nito ang nagpakita sa kanya ng dahilan para mapahamak ang binatang alam niyang tanging mamahalin niya.