Yuna's Tulip: Believe In Me - Chapter 1

CHAPTER 1

NAPAILING na lang si Yuna nang hindi sagutin ni Mirui ang tanong niya tungkol sa dahilan ng pagiging inspired nito. Agad naman kasi niyang nahalata iyon nang mapansin ang kakaibang sigla nito habang nagpa-practice sila sa malawak na skating rink ng Yukihana Ice Skating School. Matagal na siyang trainee doon at kasabayan niya si Mirui. Sa katunayan, limang taong gulang pa lang siya ay ini-enroll na siya roon ng Mama niya para may mapaglibangan naman daw siya.

Pero kung tutuusin, ang isa pang dahilan kung bakit siya nagtagal doon ay dahil gusto niyang siya ang tumupad sa naunsiyaming pangarap ng kanyang ina na maging isang figure skater. Iyon din ang pangarap sa kanya ng yumao niyang ama noong maglilimang taong gulang pa lang siya. Idagdag pa na ang personal coach niya ay ang iniidolo nitong dating sikat na figure skater na si Sierra del Fierro—na Asahiro na ang apelyido ngayon dahil napangasawa nito ang isang sikat na Japanese pianist. Ito ang ina ng kasamahan niya sa Spiritual Garden Society at isa sa labingdalawang miyembro ng Imperial Flowers na si Mirui.

Suwerte nga siyang maituturing dahil isa siya sa limang ice skaters na kasalukuyang personal na tinututukan ni Sierra sa training. Istrikta ito, oo, pero alam niyang may direksyon ang pagiging istrikta dahil sa training lang ito ganoon. Outside of the skating rink, parang pangalawang nanay na rin niya ito.

Pinanood na lang niya si Mirui na magpatuloy sa pagpa-practice ng routine nito. Nagtataka talaga siya sa kakaibang energy nito habang inuulit-ulit ang routine na ipapakita nito sa ice skating competition na nakatakda nitong salihan kasama siya. Parang hindi man lang niya ito makitaan ng pagkapagod.

Yuna's Tulip: Believe In Me - Story Description

Story of Yunara Limietta and Jerricko Arilla

ーーーーーー

Trust—ito ang isang bagay na hindi na madali para kay Yuna na ibigay sa kahit kanino. Lalo na sa isang lalaki. She already lost that ability a long time ago. Kaya naman sanay na siyang laging mag-isa, walang ibang inaasahan kundi ang sarili at mga piling tao lang, at hindi na umaasa pa na pagbubuksan siya ng pintuan ng pag-ibig. Wala na siyang aasahan pang lalaking mag-aabang sa kanya sa pagbubukas ng pintong iyon.

And maybe that's why she was unaware of one guy's advances to her. That is, until that guy named Jerricko did more than rescue her from her worst nightmare. Pagkatapos niyon, kahit ayaw niya, unti-unti siyang nagkakaroon ng dahilan na umasang bibigyan siya ng pagkakataon ng pag-ibig na mapagbuksan ng pinto niyon at hayaan siyang makapasok. Hindi niya iyon napigilan hanggang sa huli.

Okay na sana ang lahat. Pero dumating ang pagkakataong nalaman niyang hindi siya kailanman magiging karapat-dapat sa inaalay nitong pag-ibig para sa kanya.

Not when she knew she would always be broken and not even the love that Jerricko was giving her would be enough to fix the damage she has...

My Thoughts This Mother's Day

I don't usually post  this sort of entry here on my blog. I mean, I'm not really vocal--both in the real world and even in social networks--when it comes to ocassions like this. But this is my mother that I'm talking about. So that means I should make an exception every now and then, right?

It's Mothers' Day today. But I'm just writing this now (8:01 pm) because I focused on writing other things first. Sorry for that, 'Ma. You know how my mind tends to float away very far when I started writing.

Guia's Lotus: Be With Me - Chapter 11 (Final)

HINDI sigurado si Guia kung tama ba ang naisip niyang gawin nang mga sandaling iyon. Pero may isang bagay siyang gustong gawin, gustong patunayan para sa sarili niya. Kahit alam niyang masakit, kahit alam niyang sobra-sobra siyang mahihirapan, gusto pa rin niyang subukan.

Humugot muna siya ng pagkalalim-lalim na hininga. Iyon bang klase ng paghinga ng malalim na parang hindi na niya gagawin iyon sa susunod niyang buhay. Pero kailangan niyang kunin ang lahat ng lakas na meron siya sa katawan at ilabas iyon. Kailangan niya iyon para magawa ng maayos ang dapat na gawin sa huling stage na pagsasayawan niya.

Yes. After a long time, Guia was going to find out if all her efforts--with Lexus' help to bring it all out from her--was going to pay off. At gagawin niya iyon sa stage na ilang taon nang nagsilbing multo para sa kanya.

Sa stage ng auditorium.

Posting 7 lines from page 7 of a work-in-progress

Originally posted in Facebook last May 6, 2016

Working Title: Brokenhearted Heroes #2 – Our Turn To Heal This Broken Heart

“Mukhang malala na yata ang saltik sa utak ng kapatid kong ito. Kailan pa naging sentimental iyon?” mahinang tanong niya sa sarili at umiiling pa na dumiretso sa mini-bar na naroroon kung saan niya naabutan si Riel. Abala ito sa pagpupunas ng mga wine glass doon. “Seryosong usapan, Kuya. Kailan ka pa naging sentimental? You don’t usually play this kind of songs here.”

“Just trying to relish the feeling of being heartbroken.”

Lumalim ang pagkunot ng noo niya. May nangyari ba na hindi niya nalalaman? Her brother looked completely serious when he said that. “Okay. What the heck happened to you while I was away?”

Inilagay ni Riel ang wine glass na pinupunasan nito sa wine glass rack at saka ipinatong ang mga kamay sa counter bago siya tingnan. Sa palagay niya ay bagong hugas lang ang mga wine glass na pinagkakaabalahang punasan ng kapatid niya. Ilang sandali rin niyang hinintay na magsalita ang lalaking ito at sabihin sa kanya ang kung ano mang problema nito.

“Wala na ba akong appeal sa mga babae?”

“Ha?!” halos pasigaw na bulalas niya. Wala na siyang pakialam kung pinagtitinginan siya ng mga customer dahil sa ginawa niyang iyon. “Pambihira ka naman, Kuya. Akala ko naman kung ano na ang pinoproblema mo. Huwag mong sabihing pinairal mo na naman ang pagiging babaero mo habang wala ako rito? Makukutusan talaga kita.” Mukhang tama nga siya. May saltik na sa utak ang kapatid niyang ito.

“Nabasted kasi kaya ganyan siya ngayon,” ani isang tinig mula sa likuran niya.

= = = = = =

Tagged by Yasha Red Weasley, Olivette Phr, and Celeste Cardoso Msv.

Guia's Lotus: Be With Me - Chapter 10

KAHIT hindi pa rin magawang kalmahin ni Guia ang sarili ay pinilit pa rin niyang lakasan ang loob para makarating sa closed court. Hindi na talaga niya matatagalan ang patuloy na pag-iwas sa kanya ni Lexus sa kanya. Ayaw na niyang patuloy na bigyan ng palaiaipan ang sarili kung ano ba ang maling nagawa para gawin nito iyon sa kanya.

Tinimbrehan siya ni Mirui sa oras ng pagdating ni Lexus sa closed court. Ayaw niyang makakuha ng atensyon ng mga ka-teammate ng binata sa gagawing pagkumpronta rito. Kaya sinabihan niya si Mirui na siguraduhin nito na wala ang ibang Falcon Knights sa closed.court. At ayon sa kasamahan, mag-isa lang ito sa locker room nang mga sandaling iyon.

Ngayon nga ay naroon na siya sa pinto ng locker room. Humugot muna siya ng malalim na hininga bago kumatok ng ilang beses. Unti-unting bumibilis ang tibok ng puso niya habang hinihintay na bumukas ang pintong iyon, kung may magbubukas man. Hindi naman siya nabigo.

Bumukas ang pinto at pareho pa silang natigilan ni Lexus nang magtama ang kanilang mga mata. Bumahid din ang pagkagulat sa mukha ni Lexus pagkakita sa kanya.

Approved Manuscript # 3: Guia, The Dancing Lotus Fairy

Sorry kung ngayon ko lang ginawa ito. Ngayon lang ako nagkaroon ng time. Idagdag mo pa ang topaking internet na talaga namang ayaw makisama, eh talagang tatamarin ako, 'no? Anyway, after a year and more (for real), may approved na akong MS ulit. Spin-off naman ito ng Mirui's Hyacinth: Smile At Me na p-in-ublish ng PHR. For 1st revision ang unang result nito at natagalan bago ko nagawang i-revise ito.

Tatlong teaser ang naipasa ko pero isa lang ang ilalagay ko rito. This is the third teaser na ipinasa ko sa kanila at iba ito doon sa naka-post sa Wattpad account ko: