Finding A Special Heart - Chapter 12 (Final)

"IN FAIRNESS, ha? Ang tagal ko ring hindi nakapunta rito. Wala pa rin palang gaanong ipinagbago ang lugar na 'to. It's still the peaceful town na talagang babalik-balikan ko."

Napangiti na lang si Czarina sa tinurang iyon ni Carlyn. Naroon sila sa veranda ng silid niya at nagme-merienda habang nakatanaw sa paglubog ng araw. Laking pasalamat niya at dumating ang kaibigan niya nang araw na iyon. Kailangan niya ng makakausap upang hindi tuluyang igupo ng lungkot na nararamdaman.

Hindi na napigilan ni Carlyn ang pagtulo ng mga luha nito nang sabihin niyang naaalala na niya ang lahat, pati na rin ito. Her friend embraced her as if she'd been away for a long time. Siguro nga, ganoon na rin iyon. But Czarina was glad that Carlyn remained by her side through all that. Ikinuwento na rin niya sa kaibigan ang mga pangyayari mula nang dumating siya sa Altiera hanggang sa huling pagkikita nila ni Seth. Nagulat pa nga ito na kilala niya si Seth na talaga namang isa sa mga nirerespeto sa corporate world. Kilala ito ni Carlyn dahil na rin sa mga magulang ng dalaga na kilala rin sa business world.

"By the way, may balita ka na ba kay Chris after that?" pag-iiba ni Carlyn ng usapan kapagkuwan.

Finding A Special Heart - Chapter 11

BAGAMAN mabigat ang pakiramdam ni Seth nang marahang imulat ang mga mata, pinilit pa rin niyang bumangon. Damn that hangover of his! Pero kasalanan naman niya iyon. Idaan ba naman kasi niya sa paglalasing ang problema niya.

Kapagkuwan ay itinakip niya ang isang kamay sa kanyang mga mata. He had finally done it. Sumagi sa isip niya ang mga pangyayari nang nagdaang araw. Kahit talaga namang naging mahirap at masakit para sa kanya, sa wakas ay nagawa na rin niyang aminin ang totoo kay Chris. Kasabay nga lang niyon ay ang paglukod ng 'di matatawarang takot sa kanyang dibdib.

Hindi alam ni Seth kung bakit subalit naiisip niya na tuluyan na silang magkakagalit ni Chris dahil sa mga nangyari. Napabuntong-hininga siya. Hindi na siya sigurado kung ano ang susunod na gagawin pagkatapos ng lahat.

Tumayo na siya mula sa kama at nagtungo sa banyo ng silid na iyon. He needed a cold bath para tuluyang mahimasmasan at baka sakaling mawala ang hangover niya.

Finding A Special Heart - Chapter 10

WALA sa sariling nag-angat ng tingin si Seth nang marinig ang malakas na pagbalya sa pinto. Kumunot ang noo niya nang magawang mahimasmasan at makita ang paglapit bi Chris sa puwesto niya. Naroon siya sa sa mini-bar ng mansiyon kung saan ilang araw na rin niyang pinagtatambayan iyon. Walang araw na hindi siya naging laman niyon at patuloy lang sa paglalasing.

Iyon lang ang paraan upang pamanhirin niya ang sarili—lalo na ang kanyang puso—sa sakit na nararamdaman. Sa bawat araw na magdaan, patindi nang patindi ang sakit na tumutupok sa kanya dahil sa desisyong pag-iwas kay Czarina. Kahit ilang beses niyang ipilit sa sarili na tama lang ang ginawa, naghuhumiyaw pa rin ang puso niya sa pagtanggi na iyon ang dapat.

Hindi na talaga niya alam kung ano ang gagawin.

Bumuntong-hininga si Seth at tumayo mula sa kinauupuan. Pero hindi pa man tuluyang hinaharap si Chris ay inundayan na siya nito ng suntok sa mukha na ikinatumba niya. Hindi niya napaghandaan iyon. Idagdag pa na lasing siya.

Finding A Special Heart - Chapter 9

MAHIGIT isang linggo na ang nakalilipas mula nang huling beses na nakasama't nakausap ni Czarina si Seth. Ganoon katagal na rin siyang nangungulila sa binata. Litong-litong siya kung bakit iniiwasan na siya nito. Hindi talaga siya makaisip ng matinong rason para gawin nito iyon.

Kahit ganoon, nagpatuloy pa rin siya sa pagpunta sa mga lugar kung saan posibleng makatulong sa kanya sa paghahanap sa nawawalang alaala. But all she could recall as she went to those places were her moments with Seth as he helped her with her predicament. Hindi niya napigilang mapaluha.

Heto na nga ba ang kinatatakutan niya. Masyado siyang nasanay na kasama ang binata. Kaya ngayon, hinahanap-hanap na niya ang presensiya nito.

Hindi sapat na kasama niya si Chris at halos araw-araw na bumibisita sa kanya para maibsan ang pangungulila niya. She wanted Seth. Gusto niyang makasama itong muli gaya ng dati. Nang sa wakas ay magawa na niyang aminin dito ang tunay niyang nararamdaman.

Finding A Special Heart

"A-ANO'NG ginagawa mo rito?" Iyon lang ang nagawang itanong ni Czarina nang mahanap na niya ang sariling tinig. Of all days na maiisipan nitong magpakita sa kanya, bakit sa araw pa na iyon? At bakit itinaon pang kasama niya si Seth?

"Didn't I tell you? I'll come here as soon as matapos ko na ang mga dapat kong gawin," paliwanag ni Chris at napadako ang tingin kay Seth. "Pupuntahan na rin sana kita, Seth. Inuna ko lang muna ang pagpunta rito. But I didn't know na magkakilala pala kayo ni Czarina. Siya ba 'yong binanggit mo noong huling beses na tinawagan kita?"

Napatingin si Czarina kay Seth na ngayon ay blangko na ang ekspresyon sa mukha. Binanggit siya nito noon kay Chris? At least, those words proved to her that the two men knew each other. Si Chris yata ang isa sa mga kaibigan ni Seth bukod kay Jim na sinabi nito noon sa kanya. Subalit gusto niyang kabahan sa ekspresyong nakikita niya kay Seth. Ano kaya ang iniisip nito sa mga sandaling iyon?

"Chris, let me explain—"

Finding A Special Heart - Chapter 7

NAKAPIKIT ang mga mata ni Czarina habang nakahiga sa sofa at nakikinig sa musikang galing sa CD na isinalang niya sa DVD player paggising niya kaninang umaga. Iyon lang ang naisip niyang gawin sa mga sandaling iyon dahil wala siyang mapagsabihan ng mga bumabagabag sa kanya. Hindi pa rin umuuwi si AJ mula sa gig nito kaya naman lalo siyang naaaburido.

She was actually listening to the CD consisting of originally composed piano songs. Tiyak niyang si AJ ang bumili niyon dahil frustrated composer ang pinsan niyang iyon. Idagdag pa na fan ito ng mga likha ng composer na si Jim Madriaga. Napangiti siya habang patuloy na nakikinig. Hindi niya alam kung ano ang meron sa musikang iyon at naaalala niya si Seth.

Pambihira lang. Czarina just talked to him the other day. And yet she missed him so much already. Palala na nga yata ng palala ang nararamdaman niyang iyon habang tumatagal na nakakasama niya ang binata. Or maybe her feelings for him from before she lost her memories only intensified now that she saw Seth again.

Ngunit sa kabila niyon, hindi naman niya maintindihan kung bakit nakadama siya ng kaba sa kaalamang magtutungo sa Altiera si Chris. Hindi naman niya puwedeng pagbawalan ito na sundan siya dahil tiyak na magtataka ito. And he even said that his friend was also in town. But she couldn't help feeling as if something bad would happen is Chris arrived. Hindi nga lang niya matukoy kung ano.

Finding A Special Heart - Chapter 6

"HABANG ako'y naghihintay, 'wag sanang magbago dahil hindi ko kakayanin na ikaw ay lumayo. Darating din ang araw at sasabihin ko kung ano ang tunay kong nadarama sa 'yo..."

Natagpuan na naman ni Czarina ang sarili na kinakanta iyon. Alas-nuwebe na ng gabi subalit hindi pa rin siya makatulog sa dami ng gumugulo sa kanyang isipan.

At gaya ng inaasahan, gumitaw sa kanyang isip ang ilang mga imaheng pamilyar sa kanya. Mariin siyang napapikit dahil kasabay niyon ay ang pagsigid na naman ng sakit sa ulo niya. But she tried her hardest not to cry. Ever since that night when she and Seth had stargazing by the beach, pinipilit niya ang sarili na huwag umiyak. Lalo na kapag sumasakit ang ulo niya sa pagsulpot ng mga alaala.

Patuloy lang si Czarina sa paghinga ng malalim hanggang sa maramdaman niya na unti-unting napapawi ang pagsakit ng ulo niya. With one last sight, she looked up to the night sky and continued singing.

Finding A Special Heart - Chapter 5

"ALAM mo, nakakainis ka na. Sa totoo lang."

Napansin ni Czarina na tila napapitlag si Seth nang marinig nito ang sinabi niyang iyon. Well, she said it on impulse and was meant to be a joke. Iyon ay dahil na rin sa kakaibang ikinikilos nito kanina pa mula nang sunduin siya nito. Lagi na lang itong wala sa sarili. Kahit naman siguro sino ay maiinis kapag napansin iyon.

And yet she couldn't deny that she was worried for him because of that. Ano kaya ang nangyari at ganoon ang ikinikilos nito nang mga sandaling iyon?

"I'm sorry," tanging nasabi ni Seth at saka bumuntong-hininga.

Finding A Special Heart - Chapter 4

TENSYUNADO at tila nakakailang na katahimikan ang tanging nakapalibot kina Czarina at Seth na naroon pa rin sa tabi ng lawa. Siya ay nakaupo sa tuktok ng malaking bato samantalang si Seth ay nakasandal lang ang likod sa kaliwang gilid niyon. Manaka-nakang napapatingin sila sa isa't-isa pero agad din iniiwas kapag nagsasalubong ang mga tingin nila. They were in their mid-20s, for Pete's sake! Pero kung umakto sila, para silang mga teenagers.

Kagat-labing tinitingan na lang niya ang naka-bookmark na bahagi ng journal na hawak niya. Nakalagay ang isang floral bookmark sa bahaging kinalalagyan ng litrato nilang dalawa ng batang Seth.

Hindi pa rin talaga niya maintindihan kung paano siya nagawang mapanatili ni Seth sa lugar na iyon dahil sa pakiusap nitong iyon. Hindi niya nagawang tugunan ang sinabi nito. Namalayan na lang niya ang sariling umaakyat sa malaking bato at naupo roon. Pinakiramdaman na lang niya ang mabining pag-ihip ng hangin mula sa lawa habang nag-iisip ng susunod na gagawin o sasabihin sa taong malaki ang maaaring maitulong sa kanya.

Kaya lang, ginagawa na niya iyon ng humigit-kumulang tatlumpung minuto. Para bang wala ni isa sa kanila ang may balak maunang magsalita upang basagin ang katahimikang iyon. Pero sa totoo lang, hindi na niya matagalan iyon.

Finding A Special Heart - Chapter 3

ANG AKALA ni Seth ay binibiro lang siya ng babaeng kanina'y yakap-yakap niya nang mahigpit. He even thought na dahil siguro sa tagal ng panahong hindi sila nagkita ni Czarina ay nakalimutan na nito ang itsura niya. Pero nagkamali siya. At ang pagkakamaling iyon ang pinakamasakit para sa kanya na tanggapin.

Paano nangyaring nawala ang alaala ni Czarina?

Kuyom niya ang kamao nang maalala ang naging takbo ng mga pangyayari kanina lang...

Nanigas si Seth nang marinig niya ang tanong na iyon ni Czarina at bahagyang dumistansiya siya rito. Subalit hindi pa rin niya ito pinapakawalan.

Finding A Special Heart - Chapter 2

"BAKASYON? At ngayon mo pa talaga naisipang gawin iyan kung kailan naman peak season na sa Cherry Blossoms?"

Kulang na lang talaga ay ilayo ni Czarina sa tainga ang cell phone dahil sa komentong iyon ni Carlyn nang gabing iyon. Ang "Cherry Blossoms" na tinutukoy nito ay ang pangalan ng cake shop na pinamamahalaan nilang magkaibigan.

"Kaya nga ako nagpapaalam, 'di ba? Alam kong hindi ako basta nakakapagbakasyon lalo na kapag kasagsagan ng dami ng customers na nagsisidatingan sa shop," aniya habang ibinabalabal ang lavender na shawl sa balikat at saka nagtungo sa veranda ng kanyang silid. She looked at the starry night sky in melancholy.

"Alam mo naman pala. So why decide something like this now?"

Finding A Special Heart - Chapter 1

NAPABUGA ng hangin si Czarina nang sa wakas ay natapos na niya ang mga trabahong kailangan niyang asikasuhin para sa buwang iyon. Magkaganoon man, ayaw pa niyang magpahinga dahil marami pa siyang kailangang asikasuhin lalo pa't malapit na ang peak season sa cake and pastry shop na pinamamahalaan niya.

"Wala ka talagang planong magpahinga, 'no?"

Napaangat siya ng tingin at napangiti nang pumasok sa opisina ang kaibigan at manager ng shop na si Carlyn.

"Ah... So ngingitian mo na lang ako. Ganoon?" nakataas ang kilay na tanong ni Carlyn.

Finding A Special Heart - Prologue

MULING tinangka ng labing-tatlong taong gulang na si Seth na haplusin ang basang pisngi ng batang babae nasa harapan niya nang mga sandaling iyon. Subalit walang ibang ginawa ang kamay niyang iyon kundi ang manlamig at manginig. Hindi niya alam ang gagawin. Hindi pa nangyari sa kanya ang ganoon pagdating sa ibang tao. Tanging si Czarina—ang batang babaeng nasa harapan niya—ang nagbigay ng ganoong epekto sa kanya. Pakiramdam niya ay tila sinasakal ang puso niya sa nakikitang pagpatak ng mga luha nito. Pero wala naman siyang ibang magawa kundi ang panoorin lang ito sa patuloy nitong pag-iyak.

Papahirin lang naman niya ang mga nagbabagsakang luha nito. Wala namang mahirap doon, 'di ba?

"Ang daya mo naman. Ang sabi mo, hindi ka aalis dito. 'Di ba, nangako ka sa akin na hindi mo ako iiwan dito na malungkot," sumbat ni Czarina na nagbalik sa isipan niya sa kasalukuyan.

Oo nga at nangako siya rito nang ganoon. Pero paano ba niya sasabihin rito na wala siyang ibang choice kundi baliin ang ipinangako niya rito in the process?

Finding A Special Heart - Story Description

Malaking bahagi ng buhay ni Seth ang iginugol niya sa paghahanap sa isang babaeng bumago sa buhay niya may labing-tatlong taon na ang nakararaan. Hindi siya tumigil dahil hindi pumayag ang puso niya na gawin iyon. At alam niya na hindi magiging kumpleto ang buhay niya na wala ang babaeng iyon sa mga susunod na kabanata ng buhay na gusto niyang gugulin kasama ito. In a twist of fate, he found her.

  

  Pero hindi niya inakala na ang babaeng iyon pala ay ang taong lihim na iniibig ng isa sa mga kaibigan niya. Though he doesn't want to feel it, he couldn't help feeling torn between choosing what could make him happy and doing what he thought was right for him and his best friend.

  

  Pero ano nga ba ang tama para kay Seth?

  

  Ang gawin ang lahat upang mapasakanya si Czarina na siyang isinisigaw ng puso niya? O ang magparaya para sa kapakanan ng kaibigan kahit ang kapalit niyon ay ang pagtalikod sa tunay niyang nararamdaman?