Indigo Love - Chapter 10 (Final)

HUMINGA nang pagkalalim-lalim si Alex habang tagus-tagusan ang pagkakatitig niya sa kisame. Pangatlong beses na niyang ginawa iyon pagkatapos niyang magising nang umagang iyon. Ngunit sa pakiramdam niya ay hindi iyon sapat upang pawiin ang namumuong bigat sa dibdib niya. Naiisip na naman niya si Rianne at ang halik na namagitan sa kanila noong birthday ni Francis. Iyon kasi ang napanaginipan niya kagabi. Nang magising siya ay tiningnan niya ang pendant. Kahit papaano ay nakatulong iyon upang gumaan ang kalooban niya gaya ng madalas na mangyari kapag pinagmamasdan niya ang naturang bagay.

Magdadalawang linggo na mula nang makalabas siya sa ospital. Ganoon katagal na rin siyang labis na nangungulila kay Rianne matapos nitong umalis nang hindi man lang nagpapaalam sa kanya. Ang akala niya, kapag ipinagtapat na niya rito ang lahat ay magiging okay na sila nito. Na kapag nalaman man niyang hindi siya mahal nito ay magsisimula siya sa umpisa. Liligawan niya ito. Hindi na siya matatakot gawin iyon. Gagawin niya ang lahat upang mapaibig ito. Pero dahil umalis ito ay hindi na niya alam kung ano ang dapat niyang gawin para lang maibsan ang pangungulila niya rito.

Hindi siya pinayagan ng kanyang ina na magtrabaho kaagad pagkalabas niya sa ospital hanggang hindi pa lubusang gumagaling ang mga sugat niya. He wanted to bury himself to work para hindi mabakante ang oras niya. Pero mahal niya ang kanyang ina. Sa lahat ng ayaw niya ay ang makita itong nag-aalala para sa kanya at sa mga kapatid niya. Pinagbigyan niya ang kagustuhan nitong doon muna siya sa mansion mamalagi habang nagpapahinga at nagpapagaling pa siya. Ngunit walang oras na hindi niya naisip si Rianne. He missed her so much; it was driving him crazy. He wanted to see her and be with her.

Hindi iilang beses na bumalik siya sa building kung saan ipinagtapat siya kay Rianne. Ang hindi nalalaman ng dalaga, sa kanya nakapangalan ang loteng kinatatayuan niyon. Binili niya iyon noong twenty-first birthday niya bilang regalo sa sarili kahit hindi pa siya sigurado kung ano nga ba ang gagawin niya doon. Nang dumating si Rianne sa San Rafael at ipinahayag nito ang kagustuhan nitong magkaroon ng flower shop, noon lang niya lubusang naintindihan at naalala ang lahat. Tumatak sa kanya ang unang pagkikita nila ng dalaga noong high school. Lalo na nang ipahayag nito noon ang pangarap nitong magkaroon ng flower shop. Nagawa niyang ipatayo ang building na iyon sa tulong ni Allen na pinlano niyang maging isang flower shop upang iregalo kay Rianne.

Indigo Love - Chapter 9

MAHIGIT tatlumpung minuto nang naroon si Rianne sa recovery room at pinagmamasdan ang walang malay na si Alex. Hanggang ngayon ay hindi pa rin niya magawang paniwalaan ang mga katagang sinambit nito kanina bago dumating ang ambulansiya sa building.

Nalaman niya mula kina Jett, Francis at Cedric na si Rachel nga ang may pakana ng mga pananakot sa kanya. Ayon sa mga ito ay stalker ni Alex ni Rachel mula pa noong high school at kalaunan ay naging lover ni Daniel. Noon lang niya nalaman ang tungkol sa prison break na naganap kung saan isa si Daniel sa mga nakatakas kasama si Rachel. Nalaman rin niya ang sinapit ng una sa shoot out na kinasangkutan nito. Huli na nang malaman nilang nakarating na sa San Rafael si Rachel at hina-hunting siya. Sa tulong ng isang tauhan ng agency na nagkataong nagko-coffee break malapit sa bui;ding ay nakatawag ito ng back-up. Subalit hindi pa rin napigilan ng mga ito ang pagkakabaril ni Rachel nang dalawang beses kay Alex.

Si Alex ang sumalo ng dalawang bala na dapa sana'y tatama sa katawan niya. Hindi niya naiwasang panghinaan dahil sa nasaksihan. Bulagta sa sahig si Rachel matapos itong paputukan ng tauhang tumawag ng back-up. Nanatili siya sa tabi ni Alex na nagawa pang magsalita kahit sugatan na. Napaiyak siya nang maalala ang mga sinabi nito sa kanya.

"Bakit mo ginawa iyon? Kailan ka pa naging ganito ka-reckless para saluhin mo ang mga baling para sa akin?"

Indigo Love - Chapter 8

PARANG binibiyak ang ulo ni Alex sa sakit nang magising siya kinabukasan. Noon lang siya uminom ng ganoon karami matapos ang halos tatlong taong pag-iwas doon. Nagka-hangover tuloy siya dahil sa biglang pag-inom nang marami. Nang magmulat siya ng mga mata ay nagtaka siya. Alam niyang nakatulog siya sa mini-bar pero heto at naabutan niya ang sarili na nakahiga sa kanyang kama. Suot niya ang isang night robe na siguradong hindi siya ang nagsuot niyon sa sarili.

Paglingon niya sa kanyang tabi ay tila huminto sa pagtibok ang puso niya sa nakita. Ang payapang anyo at maamong mukha ni Rianne ang sumalubong sa kanya. Hindi niya inasahan iyon pero napangiti siya. Ito marahil ang nag-asikaso sa kanya habang wala siyang malay. Kagyat siyang tumingin sa dibdib niya nang maramdaman siyang pagkilos roon. Hawak niya ang isang kamay nito. At may palagay siyang hindi ito ang may gawa niyon. Napailing na lang siya habang nakangiti. Ganoon daw siya kapag nakainom—kung anu-ano ang nagagawa. Pero sigurado siyang hindi lang iyon ang nagawa niya. Hiling lang niya na hindi sana niya nabastos ito nang hindi niya namamalayan. He would hate himself for that.

Napapitlag siya nang kumilos si Rianne sa tabi niya. Umungol ito at isiniksik ang katawan nito sa kanya. Pigil na pigil niya ang paghinga nang kumilos ito. Mayamaya lang, hindi na ito kumilos. Natahimik na ito. Pinakawalan lang niya ang pinipigilang hininga nang maramdamang nakatulog itong muli. Masaya siya sa isiping panatag ito sa kanya.

Kung nalalaman lang nito, hindi biro ang pagtitimping kailangan niyang gawin sa tuwing lumalapit ito sa kanya. O di kaya'y kapag ngumingiti at niyayakap siya nito na madalas ay siya ang nag-i-initiate. Everytime she would do that, he wanted to do so much more. But he wanted to remain as the gentleman she knew back in high school. At dahil sa pagiging gentleman niyang iyon ay pinilit rin niyang ikubli sa kanyang puso ang tunay niyang nararamdaman para rito kahit mahirap. Damdaming noon pa sana niya ipinagtapat rito.

Indigo Love - Chapter 7

INISANG lagok lang ni Alex ang iniinom na alak at isinubsob ang mukha sa counter ng mini-bar. Paraan niya iyon upang ibsan ang bigat sa dibdib. Pagkauwi niya galing agency ay agad siyang dumiretso sa mini-bar at walang salitang tumungga ng alak. Hindi na niya naabutan sa sala si Rianne. Marahil ay tulog na ito. Mabuti iyon dahil hindi niya gustong maistorbo. Isa pa, hindi niya gustong abalahin ito dahil sa pagsisintimiyento niya—este ng puso pala niya. Gugustuhin niyang idaan sa pag-inom ng alak ang nararamdaman niya.

"Damn it! Bakit kailangang umabot sa ganito ang lahat?" bulalas niya matapos lumagok ang tatlo pang baso ng alak.

Hindi mawala-wala sa isip niya ang pag-uusap nila ng ama at ni Tito Alexis sa agency. Partly ay rason ang pag-uusap na iyon para maglasing siya ngayon.

"Your job's done, Alex," anunsyo ng kanyang ama sa pantay na tono.

Indigo Love - Chapter 6

"INVITED AKO sa birthday celebration ng pinsan mo?" nananantiyang tanong ni Rianne kay Alex nang sabihin nito sa kanya ang tungkol sa pag-imbita umano ng pinsan nito. "Pero imposible naman yatang makapunta ako roon. Baka nalilimutan mo, nagtatago ako."

"Ikinonsulta ko naman ito sa mga boss ko sa agency at pumayag naman sila. Huwag kang mag-alala. Hindi ka mapapahamak roon. I promise you."

Naumid siya sa narinig at dahil na rin sa nakita niyang katapatan sa mga mata nito habang sinasabi iyon. Muli niyang tiningnan ang invitation na inabot nito sa kanya. Wala naman sigurong problema kung pumayag siyang pumunta sa birthday celebration na iyon. May dalawang linggo na rin siyang naroon sa bahay ni Alex. Mukhang kakailanganin naman niyang lumabas kahit paminsan-minsan lang sinigurado naman nito na magiging ligtas siya roon. Kaya hindi na siya nagpatumpik-tumpik pa at pumayag na rin siya.

"Pero ano ang isusuot ko? Do I need a gown?"

Indigo Love - Chapter 5

"SORRY about earlier."

Nag-angat ng tingin si Alex nang marinig iyon kay Rianne. Nasa dining room sila at kasalukuyang nag-aalmusal matapos niya itong gisingin kanina. Her face was solemn while looking at him. At sa totoo lang ay hindi niya gusto ang nakikitang lungkot sa mga mata nito. Wala siyang ideya kung ano ang napanaginipan nito ngunit batid niyang hindi talaga iyon maganda dahil umiiyak ito nang gisingin niya ito kanina.

Hanggang ngayon ay hindi pa rin niya maialis sa isip niya ang luhaang si Rianne kanina. Nasa kusina siya nang mga oras na iyon at masayang naghahanda ng almusal nila ng dalaga nang bigla siya makarinig ng pag-ungol. Noong una ay inakala niyang pinaglalaruan siya ng pandinig niya ngunit naulit ang ungol na iyon at lumakas pa. Sa isang iglap ay narating na niya ang silid na ipinagamit niya kay Rianne matapos patayin ang kalan. At ganoon na lang ang pag-aalala niya nang makitang umiiyak ito habang nakapikit. Ginising niya ito at ginawa ang makakaya niya upang pakalmahin ito. There was this urge inside of him to kiss her to calm her. Thankfully, he didn't do it.

Nang tanungin niya ito tungkol sa napanaginipan nito ay hindi ito nagsalita. Bagkus ay walang salitang bumangon ito at niyakap siya. Hindi niya itinangging ikinagulat niya iyon. Subalit agad ding naglaho iyon nang maramdaman niya ang pagtulo ng mainit na likido sa leeg niya kung saan nito isiniksik ang mukha nito. Umiiyak na naman ito at tila dinaklot ang puso niya dahil doon. Ang tanging nagawa na lang niya ay yakapin ito nang mahigpit, lalo na nang marinig niya ang pabulong na pakiusap nito.

Indigo Love - Chapter 4

AYAW dalawin ng antok si Rianne kahit batid niyang mag-a-alas-dose na ng hatinggabi at nakatitiyak siyang tulog na si Alex sa silid nito. Kung hindi man ay naroon lang ito sa loob ng silid nito at may ginagawa na may kinalaman sa trabaho nito. Hindi naman niya pupuwedeng istorbohin ito at yayaing makipagkuwentuhan para lang makatulog siya. Sobra-sobra na ang abalang ibinigay niya dito nang patuluyin siya nito sa bahay nito imbes na nag-e-enjoy dapat siya sa pagbabakasyon. Pero dahil sa panganib na ngayon ay tahimik na nakaabang sa kanya, may palagay siyang ang apat na sulok ng bahay na iyon ang magsisilbing sanctuary niya hanggang sa matapos ang lahat.

Yes, she considered that house as a sanctuary. Hindi niya naramdaman ni minsan na isa iyong kulungan o 'di kaya ay taguan ng mga nanganganib ang buhay. Parang at home na at home ang pakiramdam niya sa bahay na iyon. Kunsabagay, hindi naman hinahayaan ni Alex na maramdaman niyang nasa panganib ang buhay niya. Para lang siyang nagbabakasyon. Parang special guest ang turing nito sa kanya kaya naman hindi miminsang nakadama siya ng pagkakilig dahil sa klase ng pag-aasikaso nito sa kanya.

Nang makaramdam siya ng panunuyo ng lalamunan ay naisipan niyang lumabas ng silid at magtungo sa kusina. Ngunit bago pa man siya makarating roon ay nakita niya ang isang bulto na nakatayo sa nadaanan niyang balkonahe pero hindi siya nakadama ng takot. Alam niyang si Alex iyon at may hawak na cell phone. Nangunot nang bahagya ang noo niya nang mapansing napakaseryoso ng mukha nito habang pinakikinggan ang sinasabi ng nasa kabilang linya. May pagkakataon pa na nakikita niyang naggalawan ang mga ugat nito sa mukha at napapamura rin. Sino kaya ang kausap nito at bakit tila ganoon na lang ang reaksiyon nito? Ano ba ang sinsabi ng kausap nito?

"At sa tingin mo ba, Jett, hahayaan kong may mangyaring masama kay Rianne? Dadaan muna sila sa bangkay ko bago nila mahawakan ni dulo ng daliri niya. Sisiguraduhin ko na sa impiyerno ang bagsak ng lalaking iyon sa oras na makumpirma ko na siya ang mga pakana ng mga pananakot kay Rianne. I swear!" mariin at determinadong sabi nito sa kausap na ikinagulat niya.

Indigo Love - Chapter 3

BAHAGYANG nangunot ang noo ni Rianne nang makita niya ang isang kahon na nakapatong sa kotse niya. She just went out of the coffee shop and her cark was parked on the other side of the road. Kaya tanaw niya mula sa kinatatayuan ang misteryosong kahon. Sino naman kayang walang magawa sa buhay ang naglagay niyon sa kotse niya? Bumuntong-hininga na lang siya at napailing bago niya naisipang puntahan iyon.

Pero bago pa siya makahakbang papunta roon ay nakita niyang palapit sa kanya si Alex. Hindi niya naiwasang mapangiti habang nakatingin sa guwapo nitong mukha at nakasuot lang ng simpleng polo shirt at jeans. Gayunman ay sapat na iyon upang kumabog ang dibdib niya. Hindi siya makapaniwala na ganoon pa rin kalakas ang epekto nito sa kanya kahit labing-isang taon na ang nakalilipas nang huli silang magkita nito. Ang akala niya ay limot na niya ang lahat ng iyon. Hindi ba't nagawa na niyang magka-boyfriend na hindi si Alex ang ginagamit niyang standard sa pagpili?

"Hindi ka ba marunong magtimpla ng kape at lumalabas ka pa para lang magkape?" pabiro at nakangiting tanong nito at kunwari ay inirapan lang niya ito.

"Hindi ko gusto ang timpla ng kape ko kaya ganoon."

Indigo Love - Chapter 2

AGAD NA ipinarada ni Rianne ang kotse niya sa parking space ng isang restaurant na nadaanan niya pagkarating niya sa bayan ng San Rafael. She decided to have her vacation back to her hometown dahil alam niyang mas kakalma siya kapag namalagi siya doon. Nag-file siya ng indefinite leave sa suhestiyon na rin ng kanyang ina upang lubusan daw ang pamamahinga niya. Isa pa ay may nais din siyang balikan sa lugar na iyon kaya naisipan niyang doon na lang pumunta.

Matapos kumain ng lunch ay naisipan niyang manatili muna doon nang ilang sandali. Wala pa siyang solidong plano kung saan nga ba siya pupunta pagkatapos niyon. Ang tanging ginagawa lang niya bilang pampalipas-oras ay ang wala sa sariling pagtingin sa baso ng tubig sa harap niya at paminsan-minsan ay ang pagtingin sa labas ng restaurant. Nakapuwesto siya sa table na katabi lang ng malaking glass window kaya kitang-kita niya ang mga kaganapan sa labas.

For the eighth time she glanced outside the restaurant, something caught her attention. Or rather someone na ngayon ay nasa tabi ng kanyang kotse at tila sinisilip nito ang nasa loob niyon. What was weird, she wasn't feel alarmed for some reasons. Napangiti pa nga siya nang makita niya itong nagsusuklay ng buhok nito at gamit ang sariling reflection sa tinted na salamin ng kanyang kotse ay sinisipat nito ang itsura. Nang sa tingin nito ay okay na ang itsura nito ay kinindatan nito ang sariling repleksiyon at saka umayos ng tayo bago nilingon ang restaurant. Tumingin sa direksiyon niya ang guwapong lalaking ngayon ay malaya na niyang nasisilayan. Hindi niya maintindihan kung paano at bakit subalit bigla siyang nakaramdam ng hindi maipaliwanag na pagkabog sa dibdib niya.

Sino kaya iyon? At bakit siya nakatingin sa direksiyon ko? Pero in fairness, ang guwapo niya. Familiar, too... saisip niya habang tinitingnan pa rin ang lalaking iyon na ngayon ay nakangiti na at nakatingin sa kanya. Wait! Siya? Siya ba ang tinitingnan nito?

Indigo Love - Chapter 1

NAKATAYO si Rianne sa pintuan ng kanyang opisina; her eyes devoid of any emotions habang pinagmamasdan ang komosyong nagaganap. Lumabas ang mga pulis bitbit ang isang babae't isang lalaki. Panay ang palag ng lalaki ngunit hindi nito magawang makawala sa mahigpit na pagkakahawak ng mga pulis. Ang babae nama'y walang tigil sa pagmamakaawa at paghagulgol.

"Rianne, honey, please give me a chance to explain!" palahaw ng lalaki na hindi niya pinansin. Manhid at bingi na rin ang puso niya para pakinggan pa ito.

You already blew that chance, you worthless jerk! nagngingitngit na saisip niya. A few seconds later, she smiled sadly. Who would've thought na ito ang lalaking pinagkatiwalaan niya hindi lang ng kanyang negosyo kundi maging ng kanyang puso. She couldn't believe it!

Nagmistula siyang bingi sa pagtawag sa kanyang pangalan ang nobyo niyang si Daniel—now her ex-boyfriend. She met him four years ago sa isang seminar sa Baguio. Agad itong nagpakita ng interes sa kanya. Noong una ay duda siya sa paglapit-lapit nito subalit hinayaan niya itong manligaw sa kanya. Isang taon din ang itinagal ng panliligaw nito at nang mga panahong iyon ay ipinakita nitong tapat ang intesiyon nito sa kanya. Sinagot niya ito kalaunan at sa nakalipas na tatlong taon ay naging maayos ang relationship nila ni Daniel.

Indigo Love - Story Description

Back in high school, Rianne and her cousin unintentionally fell in love with the Olovarez twins. In her case, she secretly fell in love with Jerique Alexander Olivarez. But she never got a fairy tale ending that she wanted, unlike her cousin, because of her fears. Takot ang nagpumigil sa kanya na iparamdam kay Alex na mahal niya ito. Hindi niya nagawang ipagtapat rito ang tunay niyang nararamdaman hanggang sa lisanin na niya ang San Rafael.

When she came back to her hometown to mend a broken heart, hindi niya inaasahang si Alex ang kauna-unahang taong nagboluntaryong tulungan siya. He was there for her even though she didn't ask him to. At ngayong may nakaambang panganib sa buhay niya ay ito pa rin ang nasa tabi niya upang protektahan siya.

Subalit kahit binigyan na siya ng pagkakataong iparamdam sa binata na mahal pa rin niya ito hanggang ngayon, takot pa rin ang pumipigil sa kanya na gawin iyon. Nais niyang sumugal sa una at huling pagkakataon. Pero handa na ba ang puso niya na tanggapin ang sakit kung sakaling hindi nito bigyan ng katugon ang pagmamahal niya? Paano na ang fairy tale ending na nais niyang mangyari sa kanilang dalawa ni Alex?