My Starlight Song - Chapter 11 (Final)

HINDI pa nagsisimula ang game nang makarating si Livie sa gym ng Greenfield College. Ilang oras din niyang pinag-isipan ang ginawa niyang pagpunta roon. Kahit na sa totoo lang ay nawala sa isipan niya ang tungkol sa laro ni TJ nang araw na iyon.

Pagkatapos ng masinsinang pag-uusap nila ni Lolo Herbert ay agad siyang nagtungo sa silid niya upang tuluyang tapusin ang feature article niya. Unexpectedly, she managed to do it without the heaviness she was feeling in her heart a while back. At natapos niya iyon sa loob lang ng dalawampung minuto.

Natagalan lang naman siya sa pagdedesisyon tungkol sa pagpunta niya sa gym dahil patuloy pa rin niyang naiisip ang mga nalaman niya mula kay Lolo Herbert. Pinakiusapan pala ito ni Aries na sabihin sa kanya ang totoo, lalo pa't alam daw ng matanda ang kuwento tungkol sa resthouse na reward dapat ni TJ kapag nagawa niya nang tama ang dare ng mga ito. Tama nga si Erika. May mas malaki pa nga kuwento na nakapaloob sa challenge-slash-dare na inihain ni Aries kay TJ. Kasabay niyon ay nalaman din niya ang tungkol sa high school graduation resolution ng apat na mga lalaking iyon. At iyon ay ang makita ng bawat isa sa kanila ang babaeng handa nang makasama ng mga ito sa habang panahon.

In short, the perfect bride for them.

My Starlight Song - Chapter 10

TAPOS na ang practice. Wala nang ibang tao sa gym maliban kay TJ. Naroon pa rin siya, walang tigil sa pagdi-dribble at pagsu-shoot ng bola. Pero dahil laging sumasablay ang mga tira niya, naibato niya ang bola dahil sa inis.

"Damn it!"

Nang wala nang maisip gawin ay pasalampak na nahiga siya sa sahig at ipinatong ang braso sa kanyang mga mata. Mabilis ang pagtibok ng kanyang puso at tumatagaktak ang pawis sa katawan niya pero wala siyang pakialam. Wala ang mga iyon kumpara sa nararamdaman niya nang mga sandaling iyon.

Livie...

My Starlight Song - Chapter 9

HINDI malaman ni TJ kung pang-ilang beses na siyang bumuntong-hininga nang araw na iyon. But then wala na yata siyang planong magbilang dahil wala namang maitutulong iyon sa kanya.

Seriously, how could he had been such a coward to face his best friend-slash-love of his life after that? Okay, he did tell Livie the truth—the real reason why he kissed her that one rainy afternoon. Pero ano na ang ginawa niya pagkatapos niyon? Iniwasan niya si Livie? Kung hindi ba naman talaga siya may saltik sa utak sa pinaggagagawa niya. But he did it for a reason.

He was afraid. Nang gabing magtapat siya sa dalaga, naalala niya ang tungkol sa deal nila ni Aries. Walang alam si Livie tungkol doon. At mas dapat na hindi iyon malaman ng dalaga dahil tiyak na malalagot siya kapag nagkataon. It was one thing that she hated the most—ang gamitin sa isang laro o kahit na anong pustahan pa man iyan.

Hanggang sa maisip niya na parang lumabas tuloy na nagbibiro lang siya sa ginawa niyang confession noong gabi ng acquaintance ball. But none of them was just a mere joke. The feelings he poured through the song was way real. Alam niyang naramdaman din iyon ni Livie, despite being consumed with shock.

My Starlight Song - Chapter 8

NAILANG NANG husto si Livie sa mga matang nakatingin sa kanya eksaktong pumasok na sila ni TJ sa loob ng function hall kung saan kasalukuyang ginaganap ang acquaintance ball. Gaya ng inaasahan ay marami nang tao ang naroon. Nagdesisyon siyang maupo na lang kasama ang staffs ng Encounters. Si TJ naman ay nagtungo sa mga kasamahan nito sa basketball team.

Hindi na siya nagtaka nang magsilapit ang mga kasamahan niyang babae sa puwesto. Iisa lang naman ang sinabi ng mga ito sa kanya. Lahat sila ay naiinggit dahil si TJ ang escort niya nang gabing iyon. Kiming ngiti lang ang naging tugon niya sa sinasabi ng mga ito.

Ilang sandali pa ay nag-umpisan na ang opening program. Subalit habang nanonood siya sa mga nagpe-perform sa stage at pinakikinggan ang mga nagsasalita roon ay hindi niya maiwasang tingnan si TJ sa kinauupuan nito. At labis na ikinatuwa ng puso niya ang katotohanang hindi rin niito maiwasang tingnan ang direksiyon niya. Ilang beses na rin niya itong nahuling tumitingin sa kanya na nagpakilig hindi lang sa kanya kundi maging sa mga kasamahan niyang nakakapansin din ng simpleng titigan nila ni TJ. Hindi niya napigilan ang pag-iinit ng mga pisngi niya dahil tinutukso tuloy siya ng mga kasamahan niya.

Mayamaya pa ay nagsalita ang emcee.

My Starlight Song - Chapter 7

NIYAYA ni TJ si Livie na mamasyal at mag-picnic na rin sa farm ng lolo nito sa bayan ng Altiera. Hindi na siya tumanggi kahit limang oras pa ang biyahe papunta sa bayan. Naisipan na rin niyang interview-hin muli ang binata upang matapos na niya ang kanyang article. Deadline na iyon sa susunod na linggo bago ang acquaintance ball ng Greenfield College.

Hindi niya napigilan ang mamangha sa laki at ganda ng farm nang marating na nila iyon. Pinya at mangga ang pangunahing produkto ng farm na iyon. Mayroon din itong flower farm na bagaman hindi kasinglawak ng flower farm ng kanyang ina—na kasalukuyang pinamamahalaan ng kanyang ama—ay maganda pa rin. Halata sa mga halamang naroon ang maiging pag-aalaga ng mga trabahante at tagapangasiwa niyon. Magiliw siyang sinalubong ni Lolo Herbert—ang lolo ni TJ sa mother's side—at natutuwa siya rito. Kahit na mayaman ito at bakas ang katandaan at awtoridad sa itsura nito ay hindi ito mapagmataas.

"Alam mo ba, hija, walang araw na hindi tumatawag sa akin ang apo ko at nagkukuwento ng tungkol sa iyo?" Iyon ang mga sinabi ng matanda na hindi niya inaasahang marinig mula rito. At hindi rin niya inasahang masilayan ang pagba-blush ni TJ habang pinipigilan nito si Lolo Herbert sa pagkukuwento pa ng anumang may kinalaman sa sinabi ng huli.

Natawa na lang siya at hindi maalis-alis ang ngiti sa mga labi niya sa tuwing maaalala niya iyon hanggang sa makarating na sila sa pond. Doon naisipan ni TJ na mag-picnic sila nito sa suhestiyon na rin ni Lolo Herbert.

My Starlight Song - Chapter 6

KUNG hindi ka nga naman talaga minamalas, o! inis na reklamo ni Livie sa isip nang maabutan siya ng ulan sa gitna ng paglalakad niya pauwi.

Kagagaling lang niya sa palengke dahil malapit na siyang maubusan ng stock ng pagkain sa bahay. Naisipan niyang maglakad na lamang pauwi nang mapansin niyang maganda naman ang panahon. Kaya nga laking inis niya nang biglang bumagsak ang malakas na ulan. Nakalimutan pa mandin niyang magdala ng ulan.

Kung bakit ba naman kasi ngayon pa umiral ang pagkaulyanin ko. Naku naman!

Nagmamadali siyang tumakbo upang makahanap ng masisilungan. Basang-basa na siya nang makakita siya ng masisilungan sa isang shed sa tindahan. Napagpasyahan niya na doon muna maglagi hanggang tumila ang ulan. Pinilit niyang tiisin ang lamig sa kabila ng patuloy na pagtulo ng tubig mula sa buhok at damit niya. Nanginginig na rin siya.

My Starlight Song - Chapter 5

"PERO, TJ, seryoso ka ba? Hindi mo pa rin nililigawan si Livie?" tanong ni Mark sa kanya habang abala ito sa pagnguya ng barbeque na hawak nito.

"At bakit ko naman siya liligawan? Wala naman akong dahilan. Isa pa, siguradong basted na ako kaagad doon bago pa man ako makaisang hakbang kung sakali mang ligawan ko nga siya," kunot-noong aniya at iiling-iling na tinungga ang orange juice niya.

Ano ba ang pumasok sa isip ng mga ito at tila hindi pa yata mapaniwalaan ng mga ito na hindi pa niya nililigawan si Livie? Ibinubugaw ba siya ng mga ito sa girl best friend niya? What for?

"TJ, huwag ka ngang magkaila. Halata naman sa amin na gusto mo si Livie, eh," seryosong sabi ni Aljon na ikinagulat niya. Seryoso rin ang mukha nito na nagpakaba sa kanya. "Hindi ka namin ibinubugaw kay Livie kaya ka namin tinatanong tungkol doon. Ang totoo niyan, matagal na naming napapansin na iba ang tinging ibinibigay mo sa kanya kumpara sa ibang babaeng nagdaan sa buhay mo—na talagang mabibilang mo sa daliri kung ilan sila."

My Starlight Song - Chapter 4

"HINDI ko alam kung ano'ng gusto mong mangyari, Aries. Pero hinding-hindi ko hahayaang makapasok ka pa uli sa buhay ko! Tama na ang mga pahirap sa kalooban na naranasan ko dahil sa iyo. Kaya puwede ba, layuan mo na ako? Iyon na lang ang huling hiling ko sa iyo."

Napahinto sa pagpasok sa loob ng base ng Encounters si Livie dahil sa narinig. Hindi siya maaaring magkamali. Si Erika iyon. At kung tama pa ang pagkakarinig niya, umiiyak ito. Naririnig niya iyon sa kinatatayuan kahit nakapinid ang pinto.

"Erika, please. Huwag mo naman akong ipagtabuyan sa buhay mo. Hindi ko kayang layuan ka kahit ihiling mo pa iyon sa akin," anang isang pamilyar na tinig sa tonong hirap at nagsusumamo. If her guess was right, that voice belonged to Aries Sanchez, ang kaibigan at teammate ni TJ sa varsity team.

Pero bakit ito naroon sa base? Bakit tila ganoon na lang ang pagsusumamo nito kay Erika? Si Aries ba ang dahilan kung bakit kahit kailan ay hindi nanood si Erika ng basketball game at kung bakit lagi itong malungkot kapag nababanggit ang anumang may kinalaman sa Warriors? Posible kayang may nakaraan ang dalawang ito na hindi niya alam? Sa dami ng mga tanong sa kanyang isipan para kina Erika at Aries, hindi na niya alam kung paano hahanapan ng kasagutan ang mga iyon. Hindi nga lang siya puwedeng makialam sa mga ito.

My Starlight Song - Chapter 3

NAPANGITI nang malapad si TJ nang masigurong okay na ang porma niya para sa movie night nila ni Livie nang gabing iyon. Magmula nang maging close sila ng dalaga, lagi silang may movie night nito tuwing Sabado pagkatapos ng mga klase nila. Hindi niya lubusang maintindihan kung bakit lagi niyang ina-anticipate ang movie night kasama ang dalaga. But he didn't care. Basta ang alam niya, masaya siyang kasama si Livie. At talagang hindi niya pinagsisisihang naging kaibigan niya ito.

Katatapos lang niyang mag-spray ng paborito niyang cologne nang tingnan niya ang wall clock sa itaas ng pinto ng silid niya. Nanlaki ang mga mata niya nang makitang mag-aalas-siyete na pala ng gabi. Nagmamadali siyang umalis dahil baka mahuli pa siya sa pagsundo kay Livie.

Naabutan niya ang daddy niya sa porch na naglalaro ng chess kasama ang kumpadre nito na si Conrad Garcia. "Tito Connie" ang gusto nitong itawag niya rito kahit pa "Mang Connie" ang tawag ng karamihan dito. Ito ang ama ni Livie.

Napatingin ang mga ito sa kanya nang makababa na siya ng hagdanan. Nagmano siya sa dalawang matanda.

My Starlight Song - Chapter 2

"HANGGANG DITO ba naman, pagbabasa pa rin ng inaatupag mo? Party ito, hindi group study sa library."

"Parang hindi ka na nasanay kay TJ. Ganyan na talaga iyan noon pa. Ngayon ka pa nag-react. Hayaan mo nang panindigan niya ang pagiging genius niya."

Umiiling-iling na nag-angat ng tingin si TJ. Nakita niyang nakatayo sa harap niya ang mga kaibigan at teammates niya na sina Mark at Aljon. Naroon ang buong koponan ng GC Warriors sa malaking bahay ng coach nila at kaklase ng dalawang kaibigan niya na si Carlo kung saan ginaganap ang victory party. Mukhang inasahan na ni Carlo ang pagkapanalo ng team.

Pagdating nila sa bahay nito, nakahain na sa malaking mesa ang samu't saring pagkain. Pero imbes na dumulog siya sa hapag-kainan gaya ng ibang teammates niya, ang project nila ni Livie ang unang-unang inasikaso niya nang makahanap siya ng mapupuwestuhang may kalayuan sa mga kasamahan niya.

My Starlight Song - Chapter 1

HINDI PA rin tumitinag sa kinauupuan niya si Olivia Marie—o mas kilala sa palayaw na Livie—habang nag-e-encode sa computer ng mga news articles na katatapos lang niyang i-edit. Naroon siya sa base ng Encounters, ang official school publication ng Greenfield College. Siya kasi ang News Editor ng naturang publication at abala siya sa pag-e-edit ng mga articles na ilalagay sa ikalawang issue niyon para sa buong semester.

Tatlong issue kada semester ang inilalabas nila. Iba pa roon ang news letters, magazines, at literary folio. Bukod sa pagiging News Editor, isa rin siya sa mga Features Writer. Mas gusto kasi niya ang magsulat ng features articles kaysa sa news articles dahil mas rigid at limitado ang impormasyong inilalagay sa huli. Well, between writing news feature and feature, she'd choose the latter. She usually found joy and fulfillment in writing long articles, especially if the topic was really interesting.

Mahigit tatlong oras na siyang nakaharap sa computer at sa totoo lang ay sumasakit na ang mga mata niya. Pero hindi siya huminto. Kailangan niyang matapos ang pag-e-encode dahil tatapusin pa niya ang written report ng project nila ng ka-partner niya. Ang gagawin lang naman niya ay iinspeksiyunin ang revision na ginawa niya ng nakaraang gabi. Kung may kulang pa rin na hindi niya kaagad napansin ay si TJ na ang bahala roon.

Kaibigan at kaklase niya ang varsity player na si Terence Jay Ramos o TJ mula pa noong first year college. By chance lang na maituturing na naging kaklase niya ito noong unang taon. Ginusto naman nilang maging magka-blockmate nang sumunod na mga taon dahil nga naging magkasundo sila. Idagdag pa na magkaibigan ang mga tatay nila na noong first year college rin lang nila nalaman kaya hindi naging mahirap para sa kanila ng binata na maging magkaibigan.

My Starlight Song - Prologue

STARGAZING ang pinagkakaabalahan ni Terence Jay Ramos—o TJ sa karamihan—ng mga oras na iyon. Katatapos lang niyang maghapunan. Naroon siya sa malawak na terrace ng kanyang silid at nakahiga sa duyan na sadyang ipinalagay niya roon.

Ngunit sa kabila ng magandang kalangitang namamalas niya, may gumapang pa ring lungkot sa dibdib niya. Kanina, binisita niya ang puntod ng kanyang ina at nakatatandang kapatid dahil ang araw na iyon ang first death anniversary ng mga ito. Ngunit kahit isang taon na ang nakalipas mula nang mamatay ang mga ito, hindi pa rin niya maikondisyon ang sarili na tanggaping wala na ang mga ito sa buhay niya.

Paghinga ng malalim ang naging paraan niya upang paluwagin ang nagsisikip na dibdib. Nag-uumpisa na naman siyang maging emosyonal. Ganoon siya kapag nakakaalala ng mga mapapait na pangyayari sa buhay niya.

When he looked up to the starry night sky, he smiled. May naalala kasi siya nang makita ang mga bituing nakalatag sa madilim na kalangitan.

My Startlight Song - Story Decription

Kung friendship rin lang ang pag-uusapan, hindi magpapatalo roon sina TJ at Livie. Well, naging matalik na magkaibigan sila dahil nagkataong pareho silang pinipilit maka-recover sa pagkawala ng kani-kanilang ina at kapatid. Pero ang katotohanang iyon ang nagbigay sa kanila ng dahilan para maging sandigan nila ang isa't isa sa panahon ng kasiyahan at kalungkutan. Masaya na si TJ na palagi niyang kasama si Livie at hindi ito kailanman nag-take advantage sa friendship nila.

    

    Pero ang hindi alam ni Livie, matagal nang may gusto rito si TJ. Due to a promise that he and his friends made right after high school graduation, itinalaga na rin niya sa kanyang sarili na si Livie na ang babaeng magsisilbing katuparan ng pangakong iyon. Kaya lang ang problema niya, hindi niya alam kung paano niya ipapaalam iyon dito. Pero hindi siya dapat sumuko. He'll have Livie in his life whatever it takes. Patutunayan niya na siya ang karapat-dapat nitong makasama habang-buhay.

    

    Until a dare gave him the hard push he needed to do what he could to accomplish his mission. Pero kung alam lang niya na magkakandaletse-letse ang lahat dahil doon, sana hindi na lang niya tinanggap ang dare na iyon...